პაატა ბურჭულაძე: როგორც იქნა გამოირთო „რუსთავი 2“ და ხომ ატყობთ რა საამო სიმშვიდეა ქვეყანაში
21:50 / 25.08.2019
როგორც იქნა გამოირთო „რუსთავი 2“ და ხომ ატყობთ რა საამო სიმშვიდეა ქვეყანაში, - წერს პაატა ბურჭულაძე „ფეისბუქის“ გვერდზე. იგი ასევე მიუთითებს მამუკა ხაზარაძის და ფონდ "იავნანას" წინააღმდეგ განვითარებულ მოვლენებზე.
სალომე ზურაბიშვილი: დე ფაქტო მთავრობა აფხაზეთში არალეგიტიმურ „საპრეზიდენტო არჩევნებს“ ატარებს
20:57 / 25.08.2019
"დე ფაქტო მთავრობა აფხაზეთში არალეგიტიმურ „საპრეზიდენტო არჩევნებს“ ატარებს"-ასე გამოეხმაურა საქართველოს პრეზიდენტი სალომე ზურაბიშვილი ოკუპირებულ აფხაზეთში მიმდინარე ე.წ. საპრეზიდენტო არჩევნებს.
ვლადიმერ კონსტანტინიდი: აფხაზეთში ჩატარებული ეთნიკური წმენდის შედეგად, ასობით ათასი ადამიანია გამოდევნილი, ე.წ. არჩევნებს ვერანაირი ლეგიტიმაცია ვერ ექნება
18:48 / 25.08.2019
იმ ფონზე, როდესაც ასობით ათასი ადამიანია გამოდევნილი აფხაზეთში ჩატარებული ეთნიკური წმენდის შედეგად, ე.წ. საპრეზიდენტო არჩევნებს ვერანაირი ლეგიტიმაცია ვერ ექნება, - ამის შესახებ საგარეო საქმეთა სამინისტროს წარმომადგენლმა ვლადიმერ კონსტანტინიდმა რუსეთის დუმის დსთ-ს საკითხთა კომიტეტის თავმჯდომარე კონსტანტინ ზატულინის განცხადების შეფასებისას აღნიშნა.
არქიმანდრიტი კირიონი: დავით გარეჯში აზერბაიჯანელებმა დენიც კი გაიყვანეს ბოძებით კარვებამდე, ეს სრული სიგიჟეა
17:57 / 25.08.2019
დავით გარეჯში აზერბაიჯანელებმა დენიც კი გაიყვანეს ბოძებით კარვებამდე. ეს სრული სიგიჟეა, - ამის შესახებ "ინტერპრესნიუსს" დავით გარეჯის მამათა მონასტრის არქიმანდრიტმა, კირიონმა (ონიანი) განუცხადა.
ძიუდოისტი ლუხუმ ჩხვიმიანი მსოფლიო ჩემპიონი გახდა
15:24 / 25.08.2019
ძიუდოისტი ლეხუმ ჩხვიმიანი მსოფლიო ჩემპიონი გახდა. ლუხუმ ჩხვიმიანმა იაპონიაში მიმდინარე მსოფლიო ჩემპიონატზე 60-კგ-მდე წონით კატეგორიაში ოქროს მედლისთვის ბრძოლა ტრიუმფით დაასრულა და ის საკუთარი კარიერის განმავლობაში, პირველად გახდა მსოფლიო ჩემპიონი.
ყვარლის მუნიციპალიტეტის ახალსოფლის ტყეში ხანძარი ლოკალიზებულია
13:59 / 25.08.2019
ყვარლის მუნიციპალიტეტის ახალსოფლის ტყეში ხანძარი ლოკალიზებულია. ინფორმაციას საგანგებო შტაბში ადასტურებენ. როგორც საგანგებო სიტუაციების მართვის სამსახურის უფროსის მოადგილემ ლევან ღირსიაშვილმა განაცხადა, ხანძარი ლოკალიზებულია და მიმდინარეობს სალიკვიდაციო სამუშაოები.
მეუფე შიო: ჩვენ გარკვეულწილად ეშმაკს ვემონებით, როდესაც ვმოქმედებთ ვნებებით - მრისხანებით, შურით
13:30 / 25.08.2019
ჩვენ გარკვეულწილად ეშმაკს ვემონებით, როდესაც ვმოქმედებთ ვნებებით - მრისხანებით, შურით, - ამის შესახებ საქართველოს პატრიარქის მოსაყდრემ, მეუფე შიო მუჯირმა სამების საკათედრო ტაძარში საკვირაო ქადაგებისას ბრძანა.
მეუფე შიო: ილია მეორის მღვდელმთავრად კურთხევით დაიწყო დიდი აღორძინება საქართველოში
12:59 / 25.08.2019
საქართველოს კათოლიკოს-პატრიარქის, უწმინდესის და უნეტარესის ილია მეორის მღვდელმთავრად კურთხევით დაიწყო დიდი აღორძინება საქართველოს ეკლესიაში, - ამის შესახებ საქართველოს კათოლიკოს-პატრიარქის მოსაყდრემ, მეუფე შიო მუჯირმა სამების საკათედრო ტაძარში საკვირაო ქადაგებისას განაცხადა.
სენაკში, მდინარეში 25 წლის ბიჭი დაიხრჩო
23:08 / 24.08.2019
სენაკში, მდინარე ტეხურაზე 25 წლის ბიჭი დაიხრჩო. შემთხვევა სოფელ გეჯეთში მოხდა.
თბილისში, აბანოს მოედნიდან იუსტიციის სახლის მიმართულებით მოძრაობა იზღუდება
23:00 / 24.08.2019
საპატრულო პოლიციის დეპარტამენტის ინფორმაციით, თბილისში, აბანოს მოედნიდან იუსტიციის სახლის მიმართულებით მოძრაობა ღამის საათებში იზღუდება.
ბახმაროში ხანძრის შედეგად ორი საცხოვრებელი სახლი დაიწვა
22:57 / 24.08.2019
კურორტ ბახმაროს ცენტრში, მახარაძის ქუჩაზე ორი საცხოვრებელი სახლი დაიწვა. შემთხვევა დაახლოებით ღამის სამ საათზე მოხდა. ხანძარი ჯერ ერთ სახლში გაჩნდა, ხოლო შემდეგ მეორე სახლზეც გავრცელდა.
ვის უკავშირებენ პანკისის ხეობაში ხანგოშვილის მკვლელობას
22:56 / 24.08.2019
„პრაიმტაიმი“ პანკისის ხეობის უხუცესთა საბჭოს თავმჯდომარის მოადგილეს გერმანიაში ზელიმხან ხანგოშვილის მკვლელობის შესახებ სასაუბროდ დაუკავშირდა. როგორც ხასო ხანგოშვილი აცხადებს, პანკისის ხეობაში ზელიმხან ხანგოშვილის სიკვდილს რუსულ სპეცსამსახურებს უკავშირებენ.

„ვერ გეტყვით მისი მოკვლით კონკრეტულად დაინტერესებული ვინ იყო, მაგრამ გვგონია, რომ მის ლიკვიდაციას რუსული სპეცსამსახურები მოახდენდნენ. ის მეომარი და აქტიური მებრძოლი კაცი იყო. სხვა ვინ უნდა ყოფილიყო მისით დაინტერესებული? - აცხადებს ხასო ხანგოშვილი.

შეგახსენებთ, გავრცელებული ინფორმაციით, გუშინ გერმანიაში პანკისელი ზელიმხან ხანგოშვილი გაურკვეველ ვითარებაში მოკლეს.



ზურაბიშვილი: ოკუპირებული ტერიტორიების მშვიდობიანად დასაბრუნებლად ყველა გზას ვეძებ
22:50 / 24.08.2019
„ვზრუნავ იმაზე, ვეძებო ყველა გზა და ყველა საშუალება, რომ მშვიდობიანად დავიბრუნოთ ოკუპირებული ტერიტორიები“, განაცხადა სალომე ზურაბიშვილმა პრეზიდენტის სასახლეში, კონსტიტუციის დღესთან დაკავშირებით გამართულ ღონისძიებაზე სიტყვით გამოსვლისას.
პრემიერი: პირველ რესპუბლიკას არც შიდა და არც საგარეო მტერმა არ აპატია თავისუფლებისკენ სწრაფვა - დღეს განსაკუთრებული მისია გვაქვს, რომ დავიცვათ საქართველოს კონსტიტუცია
20:47 / 24.08.2019
პირველ რესპუბლიკას არც შიდა და არც საგარეო მტერმა არ აპატია თავისუფლებისკენ სწრაფვა და დღეს ჩვენ, ჩვენი დიდი წინაპრების შვილებს გვაქვს განსაკუთრებული მისია, რომ დავიცვათ საქართველოს კონსტიტუცია და უზრუნველვყოთ ჩვენი ეროვნული ინტერესების დაცვა, - ამის შესახებ საქართველოს პრემიერ-მინისტრმა მამუკა ბახტაძემ საქართველოს პრეზიდენტის სასახლეში, კონსტიტუციის მიღების დღესთან დაკავშირებით გამართულ ღონისძიებაზე სიტყვით გამოსვლისას განაცხადა.
სალომე ზურაბიშვილი: პრეზიდენტი უნდა ზრუნავდეს საოკუპაციო ხაზთან მცხოვრებ მოქალაქეებზე, მაგრამ არ უნდა რეაგირებდეს სხვის დაგეგმილ პროვოკაციებზე და სხვისი დღის წესრიგით არ უნდა მოქმედებდეს
20:30 / 24.08.2019
ჩვენ ყველამ ერთად შეგვიძლია ვიამაყოთ ჩვენი კონსტიტუციით. ამ კონსტიტუციის საფუძველზე გვეძლევა საშუალება და პასუხისმგებლობა იმისა, რომ ავაშენოთ სახელმწიფო სადაც უფლება, თავისუფლება და პასუხისმგებლობა იქნება თანაბრად მნიშვნელოვანი პრინციპები თითოეული მოქალაქისთვის, - ამის შესახებ პრეზიდენტმა სალომე ზურაბიშვილმა კონსტიტუციის მიღების დღესთან დაკავშირებით გამართულ ღონისძიებაზე სიტყვით გამოსვლისას განაცხადა.
ყვარელში, ახალსოფლის ტყეში ხანძრის ქრობის სამუშაოებში ვერტმფრენები ხვალ დილიდან კვლავ ჩაერთვებიან
20:02 / 24.08.2019
ყვარლის მუნიციპალიტეტში, სოფელ ახალსოფლის ტყეში ცეცხლის ქრობის სამუშაოები ვერტმფრენებმა დღეისთვის დაასრულეს.
არჩილ თალაკვაძე: მჯერა, რომ აფხაზ და ოს დებთან და ძმებთან ერთად დავიწყებთ კონსტიტუციურ კანონზე მუშაობას, რომელიც ტერიტორიული მთლიანობის აღდგენასთან იქნება დაკავშირებული
19:05 / 24.08.2019
კონსტიტუციის ახალი რედაქცია ჩვენი ქვეყნის სავიზიტო ბარათია ცივილიზებულ მსოფლიოში, - ამის შესახებ პარლამენტის თავმჯდომარე არჩილ თალაკვაძემ კონსტიტუციის მიღების დღესთან დაკავშირებით გამართულ ღონისძიებაზე სიტყვით გამოსვლისას განაცხადა.
ამაზონის ტროპიკული ტყეების ხანძრის ჩაქრობაში არმია ჩაერთვება
18:05 / 24.08.2019
ბრაზილიის პრეზიდენტმა ჟაირ ბოლსონარუმ განკარგულება გამოსცა, რომლის თანახმადაც, ამაზონის ტყის ხანძრების წინააღმდეგ ბრძოლაში ქვეყნის შეიარაღებული ძალები ჩაერთვება, - ამის შესახებ ინფორმაციას "ბიბისი" ევცელებს.
ყვარელში, ახალსოფლის ტყეში ხანძრის ქრობის სამუშაოებში მესამე ვერტმფრენიც ჩაერთო, შეიქმნა საგანგებო შტაბი
15:26 / 24.08.2019
ყვარლის მუნიციპალიტეტში, სოფელ ახალსოფლის ტყეში ხანძრის ლოკალიზება ამ დრომდე ვერ ხერხდება, რის გამოც ქრობის სამუშაოებში მესამე ვერტმფრენიც ჩაერთო.
ამასთან, შეიქმნა საგანგებო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი ხელმძღვანელობს.
ადვოკატი: ბრალდებამ გააჟღერა, თითქოს ლაურა ღაჭავა ზემოქმედებას ახდენს მოწმეებზე და ამ სიაშია მისი მეუღლეც - წარმოიდგინეთ, როგორია, ცოლი ახდენს ზემოქმედებას მეუღლეზე
15:13 / 24.08.2019
ადვოკატის, კობა ამბარდნიშვილის განცხადებით, ლაურა ღაჭავას ნახევარმილიონიანი გირაოს უზრუნველყოფისთვის უძრავი ქონება თვითონ მეგობრებმა და ნათესავებმა შესთავაზეს.
"ლაურა ღაჭავას არავისთვის არ უთხოვია, თვითონ მეგობრებმა და ნათესავებმა შესთავაზეს, რომ ქალბატონო ლაურა, შეგიძლია ჩემი ბინა გამოიყენოო", - განაცხადა ადვოკატმა.
მამუკა ბახტაძე: დამოუკიდებლობის დღეს ვულოცავ უკრაინას! საქართველო მტკიცედ დგას უკრაინელი ხალხის გვერდით დამოუკიდებლობისა და ტერიტორიული მთლიანობისთვის ბრძოლაში
14:09 / 24.08.2019
საქართველოს პრემიერ-მინისტრი, მამუკა ბახტაძე უკრაინას დამოუკიდებლობის დღეს ულოცავს. პრემიერი მილოცვას სოციალურ ქსელ "ტვიტერზე" ავრცელებს.
თამარ ჩუგოშვილი: „ანაკლიის კონსორციუმს“ ბევრჯერ დასჭირდა სახელმწიფოს მხარდაჭერა, ბევრჯერ ვერ გაუმკლავდა სხვადასხვა მოთხოვნას და კონტრაქტის შეცვლა არაერთხელ მოხდა მათ სასარგებლოდ
12:59 / 24.08.2019
"ანაკლიის კონსორციუმს" ბევრჯერ დასჭირდა სახელმწიფოს მხარდაჭერა, ბევრჯერ ვერ გაუმკლავდა სხვადასხვა მოთხოვნას და კონტრაქტის შეცვლა არაერთხელ მოხდა მათ სასარგებლოდ, - ამის შესახებ საქართველოს პარლამენტის პირველმა ვიცე-სპიკერმა, თამარ ჩუგოშვილმა განაცხადა.
„საქართველოს რკინიგზა“  11 ათასამდე თანამშრომელს ხელფასებს უმატებს!
17:36 / 04.08.2019
სს "საქართველოს რკინიგზა" კიდევ ერთხელ ხაზგასმით აცხადებს, რომ კომპანიის მენეჯმენტი მუდმივად უსმენს და შესაძლებლობის ფარგლებში ცდილობს დააკმაყოფილოს თანამშრომელთა საჭიროებები და მოთხოვნები. სწორედ ამიტომ, დასაქმებულთა იმ კატეგორიას, რომელთა ხელფასი 1500 ლარს არ აღემატება, ხელფასი ემატება 10%-ით. რაც წლიურად დაახლოებით 18-20 მილიონ ლარს შეადგენს და ეს ამ ეტაპზე, ის მაქსიმუმია რისი ფინანსური რესურსიც გამოიძებნა. ამასთანავე, უკლებლივ ყველა რკინიგზელს საჩუქრის სახით, წელიწადში 2-ჯერ ფიქსირებული თანხა გადაეცემა.
ხელფასების 50%-იანი მატების მოთხოვნა და/ან განხილვა არარეალურ, პოპულისტურ საკითხს წარმოადგენს და ვინაიდან თითოეულმა რკინიგზელმა ზედმიწევნით კარგად იცის კომპანიის ფინანსური მდგომარეობა, სიმართლეს არ შეესაბამება განცხადებები, რომ დაახლოებით 4800 რკინიგზელი გაფიცვისათვის ემზადება. მეტიც, "რკინიგზელთა ახალი პროფკავშირი" აერთიანებს 400-მდე წევრს და მას არ გააჩნია ლეგიტიმაცია სრული კოლექტივის სახელით ისაუბროს და მით უფრო დააანონსოს გაფიცვები, შეუსრულებადი მოთხოვნების საპირისპიროდ.
ვახტანგ ბოჭორიშვილის კლინიკაში  მტრედი ბარათის გათამაშების გამარჯვებულებს პრიზები გადაეცათ
20:33 / 30.07.2019
ავერსის სააფთიაქო ქსელი მთელი საქართველოს მასშტაბით 252 აფთიაქს აერთიანებს. ყოველთვიურად ავერსის სააფთიაქო ქსელს 2 მილიონამდე მომხმარებელი სტუმრობს. სწორედ მომხმარებლების ასეთმა რაოდენობამ და ერთგულებამ განაპირობა მტრედი ბარათის შექმნა და წამახალისებელი გათამაშების ტრადიციად ქცევა. მტრედი ბარათის გათამაშება 2009 წლიდან დაიწყო და დღემდე სულ ჩატარდა 13 გათამაშება.
დღის სიახლეები
კალენდარი
×