გომელაურის უწყება ჩიტაძის ქუჩაზე განთავსდება
13 წუთის წინ
სახელმწიფო უსაფრთხოების სააგენტოს უფროსის ვახტანგ გომელაურის უწყება ჩიტაძის ქუჩაზე მდებარე ყოფილი უშიშროების სამინისტროს შენობაში განთავსდება.
შს მინისტრის ორმა მოადგილემ სავარაუდოდ თანამდებობა დატოვა
23 წუთის წინ
შინაგან საქმეთა მინისტრის ორმა მოადგილემ სავარაუდოდ თანამდებობა დატოვა.
გიორგი მღებრიშვილი სასჯელაღსრულებისა და პრობაციის სამინისტროს თანამშრომლებს დაემშვიდობა
11:31 / 03.08.2015
სასჯელაღსრულებისა და პრობაციის სამინისტროს ყოფილმა და ამჟამინდელმა მინისტრებმა გიორგი მღებრიშვილმა
თემქაზე ავარიის შედეგად ორი ადამიანი გარდაიცვალა
10:49 / 03.08.2015
თემქაზე მომხდარ ავტოავარიას ორი ადამიანის სიცოცხლე ემსხვერპლა. ავტოსაგზაო შემთხვევის დროს ერთმანეთს სამი ავტომობილი შეეჯახა.
ლეღვის ფოთლის ნახარშით ოთხმა ქალმა დამწვრობა მიიღო
10:34 / 03.08.2015
დამწვრობის ცენტრში ლეღვის ფოთლის ნახარშით მიღებული დამწვრობით ოთხი პაციენტი შეიყვანეს.
შსს: ივლისში საქართველოში 737 696 ვიზიტორი შემოვიდა
10:20 / 03.08.2015
შინაგან საქმეთა სამინისტროს საინფორმაციო-ანალიტიკური დეპარტამენტი გასული თვის მდგომარეობით,
ფარული ჩანაწერი - როგორ დააკავეს ნარკორეალიზატორები
10:30 / 02.08.2015
შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა,
დღის სიახლეები
  • ნანა ღაჭავა სკოლაში შიდა აუდიტის შესვლას ითხოვს #116 საჯარო სკოლას ახალი დირექტორი ჰყავს. ნანა ღაჭავა დირექტორის მოვალეობის შესრულებას უკვე შეუდგა. ამ ფაქტში, თითქოს ისეთი არაფერია რომ სტატიის წერის სურვილი გაგიჩნდეს, რომ არა ერთი გარემოება - საუბარია, დედაქალაქის ერთ-ერთ დიდ სკოლაზე, რომელიც, წლების განმავლობაში, მუდმივად იყო დაკავშირებული სკანდალებთან. საქმე ის გახლავთ, რომ მიმდინარე წლის 17 ივლისამდე ამ სკოლის დირექტორი დიმიტრი მეჭურჭლიშვილი გახლდათ, რომელსაც განათლების სამინისტროსთან, რბილად რომ ვთქვათ, არც თუ სახარბიელო ურთიერთობა ჰქონდა. მეტიც, მეჭურჭლიშვილი, მინისტრ თამარ სანიკიძეს ღიად უპირისპირდებოდა. სანიკიძეს და მის პოლიტიკას კრიტიკის ქარცეცხლში ატარებდა, ამავე სკოლის ისტორიის მასწავლებელი დავით ფერაძეც. მეჭურჭლიშვილი ამტკიცებდა, რომ უწყებასთან დაპირისპირება მხოლოდ იმის გამო აქვს, რომ ახალი მინისტრის მოსვლისთანავე, მითითება მიიღო პედგაოგ დავით ფერაძის გათავისუფლებაზე, რაც არ გააკეთა და სანიკიძემ არ აპატია. მოკლედ, მეჭურჭლიშვილი-ფერაძე სინქრონში აცხადებდნენ, რომ სამინისტროს მხრიდან პოლიტიკურ დევნას განიცდიან. პარალელურად, ინფორმაციას, კატეგორიულად უარყოფდნენ განათლების სამინისტროში. ამბობდნენ, რომ პიროვნულად, ვინმეს მიმართ ინტერესი არ აქვთ, არც განსხვავებული შეხედულებების გამო ებრძვიან ვინმეს, უბრალოდ, კანონდარღვევების არსებობის შემთხვევაში თვალს არცერთ სკოლაზე არ დახუჭავენ. რამდენიმე სკოლაში, განათლების სამინისტროს შიდა აუდიტის სამსახურის მიერ აღმოჩენილ გადაცდომებზე „ვერსია“ წერდა კიდეც. მათ შორის აუდიტის სამსახურის დასკვნა ექსკლუზიურად მოვიპოვეთ 116-ე სკოლაზეც, რომელ დოკუმენტშიც დავით ფერაძის გვარიც ფიგურირებდა - პედაგოგს, გარკვეული დარღვევა აღმოუჩინეს, რაზეც სამინისტრომ, თავისი კომპეტენციის ფარგლებში რეაგირება მოახდინა. „ვერსიაში“ სტატიის გამოქვეყნების შემდეგ, დავით ფერაძემ რედაქციაში საპასუხო წერილი გამოაგზავნა, რომელშიც სტატიის ავტორს დეზინფორმაციის გავრცელებაში ადანაშაულებდა და საკმაოდ არაკორექტურადაც მოიხსენიებდა. ფერაძის წერილი, მაშინ უკომენტაროდ, უცვლელად დავბეჭდეთ, იმიტომ, რომ მისთვისაც მიგვეცა პოზიციის დაფიქსირების საშუალება და კიდევ იმიტომ, რომ „ვერსიის“ სტატია ოფიციალურ დოკუმენტზე დაყრდნობით მომზადდა. თუმცა, ფერაძის ემოციური და არაკორექტული წერილი, მკითხველს უკეთ მისცემდა საშუალებას, გაერკვია, სად ეწერა სიმართლე. ამის შემდეგ, თემას აღარ მივბრუნებივართ, მიუხედავად იმისა, რომ კულუარებში, მუდმივად იყო საუბარი #116 საჯარო სკოლაში არსებულ ვაკხანალიაზე - ამბობდნენ, დიმიტრი მეჭურჭლიშვილსა და დავით ფერაძეს, საგაკვეთილო პროცესის დროს, სკოლის შენობაში უცხო პირები შეჰყავთ, რაც აკრძალულია და განათლების სამინისტროს წინააღმდეგ აქციებს, სწორედ იქ გეგმავენო. ამბობდნენ იმასაც, რომ აღნიშნულ სკოლას ხშირად სტუმრობდნენ შაშკინის სხვა ფავორიტები - 53-ე სკოლის ყოფილი დირექტორი ტარას შავშიშვილი და მოგვიანებით მისი შემცვლელი, მარიამ რამინაშვილი. „კაცმა არ იცის, რა პოლიტიკური გეგმები იხარშება დირექტორის კაბინეტში“, - ამგვარი ფრაზები არაერთხელ გვსმენია, თუმცა მხოლოდ მოარული ხმების გამო სტატიის დაწერა და რთულად გადასამოწმებელი ინფორმაციის გავრცელება, არ ვიკადრეთ. ეს „ვერსიის“ სტილი არ არის. ახლახანს კი შევიტყვეთ, რომ დიმიტრი მეჭურჭლიშვილი, დირექტორის თანამდებობიდან, ფინანსური დარღვევების გამო გაათავისუფლეს, რომელიც #116 სკოლაში განათლების სამინისტროს შიდა აუდიტის სამსახურმა აღმოაჩინა. მეჭურჭლიშვილი დღემდე ამტკიცებს, რომ მის სკოლაში შიდა აუდიტის სამსახურის შეშვებით, განათლების მინისტრმა „შტურმი“ განახორციელა და ეს პოლიტიკური დევნის გაგრძელებაა. თუმცა, როგორც გავარკვიეთ, სკოლაში განათლების სამინისტროს შიდა აუდიტის სამსახური კონკრეტული საჩივრის საფუძველზე შევიდა. „ვერსია“ დაინტერესდა, რა დარღვევები აღმოუჩინეს ყოფილ დირექტორს? რა მდგომარეობა დახვდა მის შემცლელს სკოლაში? მართლაც გადაიყოლა თუ არა მეჭურჭლიშვილი დავით ფერაძის აქტიურობამ? „ვერსიის“ კითხვებს #116 საჯარო სკოლის დირექტორის მოვალეობის შემსრულებელი ნანა ღაჭავა პასუხობს, რომელიც ამ სკოლაში 2004 წლიდან ისტორიას ასწავლის, შიდა სამზარეულოშიც საკმაოდ ჩახედულია და ითხოვს, რომ სკოლის შესამოწმებლად, განათლების სამინისტროს შიდა აუდიტის სამსახური, ამჯერად, მისი განცხადების საფუძველზე შევიდეს. _ ქალბატონო ნანა, ამ თანამდებობისთვის მაინცდამაინც თქვენ კანდიდატურაზე რატომ გაკეთდა არჩევანი? _ სკოლის კოლექტივმა გადაწყვიტა ამ თანამდებობაზე ჩემი კანდიდატურის წარდგენა. სამინისტროს მიმართეს, რომ დირექტორის მოვალეობის შემსრულებლის შერჩევა, ადგილობრივი კადრიდან ყოფილიყო. სამინისტრო შემხვედრ წინადადებაზე წამოვიდა და საბოლოოდ, არჩევანი ჩემზე შეჩერდა. ვარ სერტიფიცირებული პედაგოგი. 11 წელია ამ სკოლაში ვმუშაობ. ამავდროულად, გავიარე დირექტორთა შესარჩევი გამოცდები და შესაბამისი სერტიფიკატიც ავიღე. ასევე, გავიარე გასაუბრების მესამე ეტაპი... 23 ივლისიდან ოფიციალურად გადავიბარე სკოლა, ოღონდ დირექტორის მოვალეობის შემსრულებელი ვარ, რადგან ჩვენი საქმე სასამართლოშია. 2014 წელს, დირექტორის არჩევნების მესამე ეტაპი - გასაუბრება, ჩვენი სკოლის ყოფილმა დირექტორმა, დიმიტრი მეჭურჭლიშვილმა ვერ გადალახა. ჩათვალა, რომ მისი უფლებები დაირღვა და სასამართლოში სარჩელი შეიტანა, რის შემდეგაც სკოლაში არჩევნები შეჩერდა. ბატონი დიმიტრი მიიჩნევდა, რომ ის შიდა ფაქტორების, დავით ფერაძის აქტიურობის გამო დაბლოკეს. ბატონი დიმიტრი, თანამდებობიდან 17 ივლისს გათავისუფლდა. მიზეზი, სამინისტროს შიდა აუდიტის დასკვნა იყო სკოლაში არსებულ დარღვევებზე. მეჭურჭლიშვილი ამბობს, რომ მან ამ საკითხის გამოც შეიტანა სარჩელი და სიმართლეს დაამტკიცებს. თუმცა ფაქტია, დარღვევები აღმოჩენილია. ბატონ დიმიტრის მანამდე გაფრთხილებაც აქვს მიღებული ხარვეზები გამოესწორებინა, მაგრამ როგორც ჩანს, ვერ გამოსწორდა. _ გაფრთხილება რატომ მიიღო და რა დარღვევებია აღმოჩენილი განათლების სამინისტროს შიდა აუდიტის სამსახურის მიერ? _ ოფიციალური დოკუმენტი არ მაქვს. როგორც ვიცი, საუბარია ფინანსურ დარღვევებზე, კერძოდ, სარემონტო სამუშაოების ტენდერის გარეშე ჩატარებაზე, თანხების არამიზნობრივად გახარჯვაზე, დაუსაბუთებელი პრემიების გაცემაზე და იმაზე, რომ მეჭურჭლიშვილს საკუთარი შვილი ჰყავდა გაფორმებული სამსახურში უკანონოდ. მეჭურჭლიშვილი ამბობს, რომ ეს არ არის სიმართლე და ამას სასამართლოში დაამტკიცებს. მე კი, მინდა, ზუსტად ვიცოდე, რა ხდებოდა სკოლაში, რა დამხვდა და რას ვიბარებ. ეს ჩემი ინტერესია. ამიტომ, ამ თანამდებობაზე მუშაობას ახალი ფურცლიდან ვიწყებ და მინდა, რომ განათლების სამინისტროს შიდა აუდიტის სამსახური, სკოლაში, შესამოწმებლად ამჯერად ჩემი განცხადების საფუძველზე შემოვიდეს. მინდა, შემოწმდეს 2007 წლიდან დღემდე პერიოდი და თუ რამე დარღვევები აღმოჩნდება, გამოვასწოროთ. კარგი იქნება, თუ ყველაფერს ახალი სასწავლო წლის დაწყებამდე მოვასწრებთ, რომ პედაგოგებს და ბავშვებს, სკოლაში მშვიდი, მოწესრიგებული გარემო დახვდეთ. _ კოლექტივი როგორ შეხვდა თქვენს დანიშნვას და ყოფილი დირექტორისგან რაიმე პროვოკაციას თუ ჰქონდა ადგილი?_ კოლექტივი ძალიან თბილად შემხვდა. მაპროვოცირებელ ნაბიჯებს მართლაც ველოდებოდით, მაგრამ ასეთი არ მომხდარა. პირდაპირ გეტყვით პედაგოგებმა მხარდაჭერა გამომიცხადეს, მიუხედავად იმისა, რომ შებულებაში არიან, მოდიან, მნახულობენ, მეკითხებიან, ხომ არ მჭირდება მათი დახმარება, რომ სკოლა ნორმალურ კალაპოტში ჩადგეს. სიახლეებისთვისაც მზად არიან. _ მეჭურჭლიშვილმა მოგილოცათ თანამდებობა? _ მას არ შევხვედრილვარ. მოვალეობის შემსრულებელი მისი მოადგილე ავტომატურად გახდა. მე სკოლა, მოადგილემ გადმომაბარა. _ დავით ფერაძესაც არ შეხვედრილხართ? როგორც ვიცი, ის აპირებდა, ახალი დირექტორის მოსვლა, აქციით გაეპროტესტებინა. _ დიახ, იყო მუქარა, რომ მშობლები და მასწავლებლები სკოლის პერიმეტრს გადაკეტავდნენ, კარს ამიჭედავდნენ, კაბინეტში არ შემიშვებდნენ, მაგრამ მსგავსი აქცია არ შედგა. მართალია, რამდენიმე მასწავლებელი მოვიდა, მაგრამ ჩემი ამბის საკითხავად და არა აქციაში მონაწილეობისთვის. თავად დავით ფერაძეს შევხვდი. ვუთხარი, რომ ის სკოლაში იმუშავებს ჩვეულებრივად. გავაფრთხილე, რომ ინფორმატიკის კაბინეტიც გადმომაბაროს, მიღება-ჩაბარების აქტი გავაფორმოთ და ვნახოთ რა მდგომარეობაშია ტექნიკა და ინვენტარი. _ ისტორიის მასწავლებელმა რატომ უნდა გადმოგაბაროთ ინფორმატიკის კაბინეტი? _ ინფორმატიკის კაბინეტი დავით ფერაძეს ებარა. თუმცა, როცა ეს ვუთხარი, გაიკვირვა, თითქოს არ იცოდა ამის შესახებ. არადა, საბუთებით ასეა. მას ინფორმატიკის საათებიც ჰქონდა. თუმცა, პედაგოგთა პირადი საქმეების შესწავლის შემდეგ გავარკვიე, რომ მის საქმეში არანაირი საბუთი არ დევს, რომელიც დაამტკიცებს, რომ მას ინფორმატიკის სწავლების უფლება აქვს. _ მისთვის ინფორმატიკის საათების მიცემა და კაბინეტის გადაბარება, დირექტოირის მხრიდან დარღვევა არ არის?_ წესით კი, რადგან ასეთი მიდგომით გამოდის, რომ ისტორიკოსს შემიძლია ქიმიის საათებიც მივცე. ვიცი, ამ ინტერვიუს რომ წაიკითხავს, ჩათვლის, რომ პოლიტიკური დევნილია, მაგრამ მერწმუნეთ, ასე არ არის. მას აქვს ისტორიის საათები. არის სერტიფიცირებული მასწავლებელი. ის იმუშავებს სკოლაში ჩვეულებრივ, როგორც ყველა, 85-ვე პედაგოგი, რადგან მას არავინ ერჩის. _ თავად ამბობს, რომ ერჩიან, თანაც განათლების სამინისტროდან. სხვათაშორის, მეჭურჭლიშვილიც აცხადებდა, თამარ სანიკიძე იმიტომ მიპირისპირდება, რომ მისი მითითება არ შევასრულე და ფერაძე სამსახურიდან არ გავუშვიო, ასეა? _ არ ვიცი მეჭურჭლიშვილს მართლაც უთხრეს თუ არა ასეთი რამ, მაგრამ ლოგიკურად თუ ვიმსჯელებთ, ფაქტებს თუ გავყვებით, ეჭვი მეპარება, ასეთი მოთხოვნა წამოსულიყო. ჯერ ერთი, საათებზე მყოფი პედაგოგის გაშვება არ არის სამინისტროს პრეროგატივა და არა მგონია, უწყებაში დაეშვათ პრეცედენტი, ვინმესთვის ეთქვათ, პედაგოგი გაუშვი თანამდებობიდანო. ყველა ნაბიჯში ჩანს, რომ სამინისტროსთვის კანონი უზენაესია. როდესაც პედაგოგებმა ჩემი კანდიდატურა წარადგინეს, სამინისტრო მაშინვე წამოვიდა შემხვედრ ნაბიჯზე - ეს ადასტურებს, რომ უწყების წარმომადგენლებისთვის, მთავარია კანონიერი ურთიერთობები. არც გასაუბრების დროს მიგვრძნია, რომ სამინისტროში ვინმეს მიმართ ინტერესი ჰქონდათ. არც მას შემდეგ ყოფილა ჩემზე რაიმე სახის ზეწოლა. ასე რომ, მეეჭვება, ეს სიმართლე იყოს. _ არც ისაა სიმართლე, რომ ფერაძეს და მეჭურჭლიშვილს კოლაში ტარას შავშიშვილი, მარიამ რამინაშვილი და სხვა პირები სტუმრობდნენ ხოლმე, და სწორედ სკოლაში იგეგმებოდა პოლიტიკური აქტივობები? _ ეს ადამიანები პირადად მე აქ არასოდეს მინახავს. ამაზე ვერაფერს გეტყვით. მე არ შევსწრებივარ. დაზუსტებით არაფერი ვიცი, ამიტომ ამ ინფორმაციას, ვერც დავადასტურებ და ვერც უარვყობ. _ თქვენი სკოლა, საკმაოდ დიდია. ამდენ პედაგოგში, მეჭურჭლიშვილსა და ფერაძეს დასაყრდენი არ ჰყავთ? ფინანსური პრობლემები გასაგებია, მაგრამ თავად პედაგოგები რით იყვნენ უკმაყოფილო? _ ვერ ვიტყვი, რომ უკმაყოფილოები იყვნენ. არც ბატონ დიმიტრის ჰქონია პედაგოგებთან ცუდი ურთიერთობა. უბრალოდ, პედაგოგები, მუდმივად დაძაბული გარემოთი დაიღალნენ. ჩვენი სკოლის გარშემო, სულ სკანდალი იყო. საკმაოდ ბევრი სერტიფიცირებული პედაგოგი გვყავს. მასწავლებლები თავის საქმეს აკეთებენ, მაგრამ მათ მშვიდი გარემო სჭირდებათ. არავის სიამოვნებს, მუდმივად დარღვევებზე რომ არის საუბარი. ასეთი ნეგატიური ინფორმაცია, მშობლების ყურამდეც აღწევს. სკოლას სახელი უტყდება და ეს, პედაგოგზეც მოქმედებს. ჩემზეც მოქმედებდა. სხვათაშორის, გული დამწყდა, ცოტა ხნის წინ მეჭურჭლიშვილის ინტერვიუ წავიკითხე, სადაც ამბობდა, „მდევარი“ სკოლა ჩავიბარე, სადაც 900 ბავშვი იყო და რაოდენობა შემდეგ გაიზარდაო. არაა ასე. დღეს სკოლაში 1199 ბავშვია და დაახლოებით ამდენი იყო მაშინაც, როცა ბატონი დიმიტრი მოვიდა დირექტორად. ბატონი დიმიტრის წინამორბედი იყო მედია ლორთქიფანიძე. მას სკოლა ჰქონდა სრულ წესრიგში. ეს ძალიან კარგი ტრადიციების სკოლაა და დიმიტრი მეჭურჭლიშვილმა, საკმაოდ ძლიერი დაწესებულება ჩაიბარა. მას თითქმის არ დახვედრია ისეთი პრობლემები, როგორიც, მაგალითად მე დამხვდა. _ და თქვენ რა პრობლემები დაგხვდათ?_ მაგალითად, პირველკლასელთა ჩარიცხვა უნდა მომხდარიყო ივლისის დასაწყისში და რეგისტრაცია ჯერაც არაა დასრულებული. რადგან უკვე ავიღე პასუხისმგებლობა, შაბათს ვიჯექი და პირველკლასელთა ბრძანებებს თავად ვტვირთავდი, ელექტრონულ ვერსიას ვამზადებდი. გარდა ამისა, ვერაფრით გამოვიყვანე სამსახურში მატერიალურ-ტექნიკური უზრუნველყოფის კოორდინატორი, რომ ჩავიბარო ინვენტარი. ეს პიროვნება ავად ყოფილა. მას ორი თვის წინ დაუწერია განცხადება და შვილი გაუფორმებია მის ადგილას, რომელიც სხვაგან მუშაობს, დილიდან საღამომდე სამსახურშია და არ სცალია. იურისტებთან უნდა გავიარო კონსულტაცია, რა ზომები მივიღო ამ მიმართულებით. მუშაობას ახლახანს შევუდექი და არ ვიცი, ასეთი კიდევ რამდენი სახის „სიურპრიზი“ დამხვდება. _ ქალბატონო ნანა, პირველ რიგში რას შეცვლით სკოლაში? _ პედაგოგებს ყველანაირად მხარში დავუდგები. ჩვენს სკოლაში არ ყოფილა ტრენინგები ახალ სქემასთან დაკავშირებით. მასწავლებლები სქემის საქმის კურსში არ იყვნენ, რადგან სკოლა სამინისტროსთან არ თანამშრომლობდა. ვეცდები, პედაგოგებისთვის ეს არ იყოს მოულოდნელობა. მეც ჩავერთვები ამ პროცესში, რადგან არ ვაპირებ პედაგოგიური საქმიანობის შეწყვეტას. მინდა, სექტემბრამდე ისეთი გარემო შევქმნა, რომ მასწავლებელმაც და მოსწავლემაც იცოდეს, რომ მოდის ჯანსაღ გარემოში, კარგ სკოლაში, სადაც ყველაფერი მოწესრიგებულია. წყარო - გაზეთი: „ვერსია“
    12:28 / 03-08-2015
  • 3 აგვისტოს შემოსავლების სამსახურმა ცენტრალური აზიის ქვეყნების მონათესავე უწყებების 35-კაციანი დელეგაციისთვის სასწავლო შეხვედრები დაიწყო.
    12:07 / 03-08-2015
  • ირანის ერთ-ერთ ქალაქში, რომელიც სპარსეთის ყურის სანაპიროზე მდებარეობს,
    11:55 / 03-08-2015
  • სკოლამდელი ასაკის ბავშვთა განათლების პროგრამას გარემოსდაცვითი კომპონენტი დაემატება.
    11:27 / 03-08-2015
  • ფინანსთა სამინისტოს საგამოძიებო სამსახურმა ჯართის ბიზნესში მოქმედი საწარმოების დანაშაულებრივი სქემა გამოავლინა.
    11:07 / 03-08-2015
  • თურქეთის საერთაშორისო თანამშრომლობისა და კოორდინაციის სააგენტო
    10:23 / 03-08-2015
  • ოდესის ოლქის გუბერნატორი მიხეილ სააკაშვილი „ფეისბუქში“ ავრცელებს ინფორმაციას, რომ მოხალისეებთან ერთად, ოდესის სამხედრო ჰოსპიტლის პაციენტები მოინახულა.
    09:36 / 03-08-2015
  • „ჯორჯიან უოთერ ენდ ფაუერის“ ცენტრალური ქიმიურ-მიკრობიოლოგიური ლაბორატორიის მონაცემებით,
    09:25 / 03-08-2015
  • გიორგი მარგველაშვილმა საქართველოს კათოლიკოს-პატრიარქს, უწმინდესსა და უნეტარესს, ილია მეორეს ანგელოზის დღე პირადად მიულოცა.
    20:24 / 02-08-2015
  • სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ საკვირაო ქადაგებისას ადამიანის მოვალეობასა
    18:37 / 02-08-2015
  • სუფსასთან მომხდარი ავტოავარიის შედეგად დაშავებულები ჯანდაცვის მინისტრმა დავით სერგეენკომ
    16:25 / 02-08-2015
  • პრემიერ-მინისტრმა ირაკლი ღარიბაშვილმა ადგილობრივებს შუამთობა მიულოცა.
    15:02 / 02-08-2015