განცხადებები, რაც გუშინ ისმოდა, ჩემი შეფასებით, ცალსახად არის ძალადობის პროპაგანდა და ძალადობისკენ მოწოდება, - ასე აფასებს პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა ბიზნესმენ ლევან ვასაძის მიერ გუშინ გაკეთებულ განცხადებებს.

სახალხო დამცველი მის მიმართ განხორციელებულ მუქარაზე განცხადებას ავრცელებს. როგორც განცხადებაშია აღნიშნული ნინო ლომჯარიას ინტერნეტსივრცეში სიცოცხლის მოსპობით ემუქრებიან. სახალხო დამცველი მიესალმება შინაგან საქმეთა სამინისტროს მიერ ინტერნეტსივრცეში მუქარის შემცველი შეტყობინებების გავრცელების ფაქტზე გამოძიების დაწყებას და მოუწოდებს შსს-ს, 14 ივნისს, მთავრობის ადმინისტრაციასთან სახალხო დამცველის მოადგილეებზე განხორციელებულ მუქარასა და იძულებაზე გამოიძება დაიწყოს.

არავის უნდა გაუკვირდეს, რომ შინაგან საქმეთა სამინისტრომ ლევან ვასაძის განცხადებაზე უკვე მოახდინა რეაგირება - დღეს დილით გამოძიება უკანონო ფორმირების მუხლით დავიწყეთ", - ამის შესახებ შინაგან საქმეთა მინისტრის მოადგილემ, ნათია მეზვრიშვილმა განაცხადა.

17-18 ივნისს საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) ენერგეტიკის მარეგულირებელთა რეგიონულ ასოციაციას (ERRA) მასპინძლობს. ორი დღის განმავლობაში ასოციაციის მომხმარებელთა და საცალო ბაზრების კომიტეტის სამუშაო ჯგუფის წევრები და შეხვედრის მონაწილეები იმსჯელებენ ენერგეტიკის სექტორში მომხმარებელთა უფლებებზე, მომსახურების ხარისხზე, ბაზრის მონიტორინგსა და კომუნიკაციის სტრატეგიაზე. შეხვედრას გახსნის სემეკის წევრი მაია მელიქიძე.

"თბილსერვის ჯგუფმა" დედაქალაქში გზის მორეცხვის გეგმური სამუშაოები დაიწყო, რომლის ფარგლებშიც, სპეციალური ტექნიკის დახმარებით, თბილისის ათივე რაიონის ყველა ცენტრალური ქუჩა და გამზირი ყოველდღიურად მოირეცხება.

შსს ინფორმაციით, უკანონო ფორმირების შექმნის, ხელმძღვანელობის და მასში გაწევრიანების ფაქტებზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 223-ე მუხლის პირველი ნაწილით დაიწყო.

თბილისში, ჯიქიას ქუჩაზე, 3 თვის ბავშვი, სავარაუდოდ, ასფიქსიით გარდაიცვალა. შემთხვევის დროს დედა სახლში იმყოფებოდა.