როცა „გაუბაზრდათ“ ეს ამბავი, ახლა შეიძლება მილიონი პოლიტიკური ცეკვები დაიწყონ, ზოგი გამოეყოს, გაემიჯნოს, დაგმოს, ზოგმა თქვას, რომ ჩვენ ვერაფერზე ვთანხმდებით, ერთის გარდა, - ასე ეხმიანება საპარლამენტო უმრავლესობის ლიდერი მამუკა მდინარაძე „ერთიანი საქართველო - დემოკრატიული მოძრაობის“ ლიდერის ნინო ბურჯანაძის რუსეთში ვიზიტს.

„კანონი და სამართალის“ თავმჯდომარის თაკო ჩარკვიანი გაერთიანებული ოპოზიციის ფორმატში მონაწილეობაზე უარს აცხადებს. ამასთან დაკავშირებით მან და პარტიის გენერალურმა მდივნმა ირაკლი ღლონტმა განცხადება სოციალურ ქსელში გაავრცელეს და გადაწყვეტილების მიზეზად ნინო ბურჯანაძის რუსეთში ვიზიტი დაასახელეს.

ქუთაისის საკრებულოს თავმჯდომარემ, ნიკოლოზ ლატარიამ თანამდებობა დატოვა. ამის შესახებ ლატარიამ განცხადება მედიასთან გააკეთა.

ზუგდიდში, „ნაციონალური მოძრაობის“ პარტიის ოფისთან „ქართული ოცნების“ მხარდამჭერები საპროტესტო აქციას მართავენ. ადგილზე სიტუაცია დაძაბულია, მმართველი პარტიის მხარდამჭერების მხრიდან ოპოზიციის მისამართით ისმის სხვადასხვა სახის შეძახილები, მათ ასევე შენობას კვერცხები დაუშინეს. პოლიცია ადგილზე ჯერჯერობით არ მისულა.

დაპირისპირება მცხეთის მერიასთან - "ქართული ოცნების" აქტივისტი, რომელმაც ზაალ უდუმაშვილს ბოთლი და ცოცხი ესროლა დააკავეს, ხოლო სამართალდამცავებმა ადგილიდან განარიდეს კიდევ ორი პირი.

„ეს ახალგაზრდებიც ხომ არიან იმ მშობლების შვილები, რომლებსაც აწამებდნენ, აუპატიურებდნენ და ქონებას ართმევდნენ?! ამ ადამიანებს არ ექნებათ ემოცია და დამოკიდებულება?! ამ ემოციის გამოხატვას ვერავინ ვერავის აუკრძალავს,“ - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებს განუცხადა, რითაც გამოეხმაურა გუშინ „ქართული ოცნების“ ოფისთან მოძრაობა „შეცვალეს“ აქტივისტებსა და „ქართული ოცნების“ ახალგაზრდული ორგანიზაციის წარმომადგენლებს შორის დაპირისპირებას.

ჩვენი მთავარი გზავნილია, ყველას, ვისაც არ უნდა, რომ პოლიტიკურ სამარეში ჩაყვეს ივანიშვილს, რომელმაც ასლან აბაშიძის გზა აირჩია, დროზე ჩამოშორდეს მას,- ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებს მცხეთის მერიასთან განუცხადა.

დააბრუნეთ არჩევნები და დავეჭიდოთ არჩევნებზე, თუ თავი გაქვთ! დაგავიწყდათ ასლან აბაშიძემ როგორ დაამთავრა? ეგრე იღრინებოდა, მერე კი კუდამოძუებული გარბოდით ასლან აბაშიძესთან ერთად, - ასე მიმართა მცხეთის მერიასთან შეკრებილ „ქართული ოცნების“ მხარდამჭერებს „ევროპული საქართველოს“ ერთ-ერთმა ლიდერმა გიგი უგულავამ.

მცხეთის მერიასთან მიმდინარე აქციაზე, „ქართული ოცნების“ მხარდამჭერებმა „ნაციონალური მოძრობის“ ერთ-ერთ ლიდერს ზაალ უდუმაშვილს „კოკა-კოლას“ ბოთლი და ცოცხი ესროლეს.