სხვადასხვა სამუშაოების ჩატარების გამო, 21 მარტს, თბილისის მოსახლეობის ნაწილს ელექტრომომარაგება დროებით შეეზღუდება.

კომპანია „თელასის“ ინფორმაციით, 10:00-დან 16:00 საათამდე შეზღუდვა საბურთალოს რაიონში დელისი 3, გაზაფხულის და შალვა ნუცუბიძის ქუჩების მაცხოვრებლებს შეეხება.

შუქი 10:00 საათიდან 17:00 საათამდე ნაძალადევის რაიონში თბილისის ზღვის და მუხრანის ქუჩის მაცხოვრებლებს, სამგორის რაიონში კი, ვარკეთილის ზემო პლატოს II მ/რ მაცხოვრებლებს გაეთიშება.

10:00-დან 17:00 საათამდე ენერგომომარაგება გლდანის რაიონში სოფ. გლდანის, ნუშის და ავშნის ქუჩების აბონენტებს არ მიეწოდება.

შეზღუდვა შეეხება ჩუღურეთის რაიონსაც, კერძოდ, 10:00 საათიდან 15:00 საათამდე ხეხილ-სანერგე მეურნეობის და რეხის ქუჩის მაცხოვრებლებს გაეთიშებათ ელექტროენერგია.

„თელასის“ ინფორმაციით, ვაკის რაიონში შუქი 12:00 საათიდან 14:00 საათამდე დაბა წყნეთის მაცხოვრებლებს გაეთიშება.

ელექტროენერგიის მიწოდება 14:00 საათიდან 15:00 საათამდე ფეიქართა ქუჩის მაცხოვრებლებსაც შეეზღუდება.

სამუშაოების დასრულების შემდეგ აბონენტებს ელექტრომომარაგება აღუდგება.