ჭავჭავაძის გამზირზე ავტობუსი ქვეითს დაეჯახა
20:54 / 04.03.2021
დღეს ჭავჭავაძის გამზირზე ავტობუსი ფეხით მოსიარულეს დაეჯახა.
შალვა პაპუაშვილი - დარწმუნებული ვარ, „ოპოზიციის ნაწილი ადგილობრივ არჩევნებს ბოიკოტს გამოუცხადებს - საინტერესოა, პატარა პარტიები მთლიანად შეეწოვებიან  „ნაცმოძრაობას“, თუ გამოაჩენენ, რომ მხრებზე საკუთარი თავი ადგათ
19:26 / 04.03.2021
მე დარწმუნებული ვარ, რომ ოპოზიციის ნაწილი, მაგალითად „ნაციონალური მოძრაობა“ და ა.შ. ბოიკოტს გამოუცხადებს ადგილობრივ არჩევნებს იმიტომ, რომ ისინი არჩევნების გზით ძალაუფლებას ვერ იღებენ, - ამის შესახებ საპარლამენტო უმრავლესობის ერთ-ერთმა ლიდერმა შალვა პაპუაშვილმა „პალიტრანიუსის“ გადაცემა „დღის ნიუსრუმში“ განაცხადა.
იენს სტოლტენბერგი: საქართველოსა და უკრაინისთვის ნატოს კარი ღია რჩება
18:18 / 04.03.2021
საქართველოსა და უკრაინისთვის ნატოს კარი ღია რჩება, - ამის შესახებ ალიანსის გენერალურმა მდივანმა იენს სტოლტენბერგმა ევროპის კოლეჯში სიტყვით გამოსვლისას განაცხადა.

"ალიანსში გაწევრიანებისთვის აუცილებელია, ორივე ქვეყანამ დააკმაყოფილოს ნატოს სტანდარტები. ჩემი მთავარი მესიჯია ამ ქვეყნებისთვის, რომ ფოკუსირებულნი იყვნენ რეფორმებზე, დემოკრატიული ინსტიტუტების მოდერნიზაციასა და კორუფციასთან ბრძოლაზე. ჩვენ ამ ქვეყნებს რეფორმების გატარებაში აქტიურად ვეხმარებით," - აღნიშნა სტოლტენბერგმა
პაატა იმნაძე არ გამორიცხავს, რომ ერთ შემთხვევაში კორონავირუსით რეინფიცირება დადასტურდეს
17:54 / 04.03.2021
დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, "კოვიდ-19"-ით ხელახლა დაინფიცირების რამდენიმე საეჭვო შემთხევევას იკვლევენ, საიდანაც ერთის შემთხვევაში შესაძლოა, ეჭვები გამართლდეს.

ზუსტი ინფორმაცია კვლევის დასრულების შემდეგ გახდება ცნობილი.

"ამისთვის საჭიროა, რომ მოძიებულ იქნას ორივე დადასტურებული ნიმუში, პირველადი, მეორადი და შემდგომ მოხდეს მათი გენეტიკური ანალიზი. შემთხვევების კვლევა მიმდინარეობს და ახლა უნდა დამთავრდეს გენური თანმიმდევრობის ბიოინფორმატიკული ანალიზი, შეიძლება, ვთქვათ, ერთი შემთხვევა ჰგავს, შეიძლება, მართლა იყოს რეინფიცირება. პრაქტიკულად სრულდება ანალიზები და ველოდებით, რომ გვექნება პასუხი ამ დღეებში", – განაცხადა პაატა იმნაძემ.
სოზარ სუბარი : თუ პლებისციტი ვინმეს აინტერესებს, შემოდგომაზე გვაქვს თვითმმართველობის არჩევნები და მკაფიოდ გამოჩნდება ხალხის მხარდაჭერა ვის აქვს
17:03 / 04.03.2021
თუ პლებისციტი ვინმეს აინტერესებს, შემოდგომაზე გვაქვს თვითმმართველობის არჩევნები და მკაფიოდ გამოჩნდება ხალხის მხარდაჭერა ვის აქვს, ეს არის ერთგვარი პლებისციტი,- ამის შესახებ საპარლამენტო უმრავლესობის წევრმა სოზარ სუბარმა ჟურნალისტებთან განაცხადა.

სოზარ სუბარი პლებისციტთან დაკავშირებით მიხეილ სააკაშვილის განცხადებას ეხმიანება და მათ მოუწოდებს ჩამოყალიბდნენ და ერთიანი პოზიცია წარმოადგინონ.

"გამოდის ერთი პარტია და იტყვის, რომ პლებისციტი მათთვის არის აბსოლუტურად მისაღები, მერე გამოვა მიშა სააკაშვილი და იტყვის, რომ ამას ვინც ამბობს, ის არის მოღალატე და ეს არის "ქართული ოცნების" თუ ბიძინა ივანიშვილის მიერ თავსმოხვეული აზრი, ჯერ ჩამოყალიბდნენ რა არის, რასაც ისინი ითხოვენ, რა უნდათ. თუ ამბობენ რომ არჩევნები გაყალბდა ამაზე უკეთესი შეთავაზება ვიდრე არის საგამოძიებო კომისია, უბრალოდ არ არსებობს, ამის შემდეგ დავსხდეთ და ვილაპარაკოთ. რაც შეეხება ნიკა მელიას, მისი გამოშვება არის პირადად მელიას ან ამ ადამიანების ხელში, ეს არის უმარტივესი თემა, მაგრამ ვისაც ყველაზე მეტად არ უნდა ნიკა მელიას გარეთ ყოფნა, არის ზუსტად ის ადამიანი ვინც დღეს ამ პლებისციტის მიუღებლობაზე ლაპარაკობს, ეს არის მიხეილ სააკაშვილი. მე პირადად ვერ ვხედავ პლებისციტის რაიმე აზრს, თუ პლებისციტი ვინმეს აინტერესებს, აგერ შემოდგომაზე გვაქვს თვითმმართველობის არჩევნები და მკაფიოდ გამოჩნდება ხალხის მხარდაჭერა ვის აქვს, ეს არის ერთგვარი პლებისციტი,"- განაცხადა სუბარმა.
გიგი უგულავა - არ ვიზიარებ მიხეილ სააკაშვილის პათოსს, ვიდრე მოლაპარაკებები არ დაწყებულა, მანამდე დამუნათება აბსოლუტურად მიუღებელია, რადგან პლებისციტს ბევრი თავისი პლუსი აქვს
16:59 / 04.03.2021
არ ვიზიარებ მიხეილ სააკაშვილის პათოსს, ვთვლი, რომ ვიდრე მოლაპარაკებები არ დაწყებულა, მანამდე დამუნათება და მით უმეტეს პლებისციტის იდეის ივანიშვილის პროექტად გამოცხადება, აბსოლუტურად მიუღებელია, რადგან პლებისციტს აქვს ბევრი თავისი პლუსები, – ამის შესახებ "ევროპული საქართველოს" ლიდერმა, გიგი უგულავამ "მთავარის" ეთერში განაცხადა.

"ხვალ რომ რიგგარეშე არჩევნები ჩატარდეს, კანონის მიხედვით, რიგგარეშე არჩევნები ჩატარდება 120/30-ზე პრინციპით, ანუ 30 მაჟორიტარი, თუ რამე არის ივანიშვილის, მინდა, მიხელ სააკაშვილს შევახსენო, ეს სწორედ 30 მაჟორიტარია. საზოგადოებას კარგად ახსოვს, რომ ტოტალური ძალადობით და გაყალბებით მოხდა არჩევნები, ჩვენი ნაწილი შეცდომაც ასევე უნდა ვაღიაროთ, მთავარი შეცდომა წინასაარჩევნოდ ოპოზიციის იყო ის, რომ ჩვენ ვერ შევთანხმდით ერთიან მაჟორიტარზე, რადგან ივანიშვილმა თავს მოხვეული მაჟორიტარი დაგვიტოვა, ჩვენ ვალდებული ვიყავით შევჯერებულიყავით, მაგრამ ვერ შევჯერდით. ამ კანონის მიხედვით 40%-იანი ჩამკეტი არსებობს და პლებისციტის შემთხვევაში ხელისუფლებამ თავისი პრინციპის გასატანად 50%-ზე მეტი უნდა აიღოს, მთავარი პლებისციტზე გამარჯვების შემთხვევაში ჩვენ ვიღებთ რიგგარეშე პროპორციულ არჩევნებს და სწორედ ვაძლევთ იმას, რაც ივანიშვილმა შემოგვასაღა, იმ 30 მაჟორიტარს", – განაცხადა გიგი უგულავამ.
ჰანს კლუგე : საქართველოს მთავრობამ შეასრულა ყველა ვალდებულება, მაგრამ „კოვაქსმა“ ახლა დაიწყო ვაქცინების მიწოდება, ეს რთული პროცესია
15:07 / 04.03.2021
ხალხისადმი გზავნილი არის, დაიცვან წესები და სჯეროდეთ, რომ ჩვენ ყველანი ნამდვილად ვმუშაობთ, რომ ვაქცინა რაც შეიძლება სწრაფად იყოს ქვეყანაში, – ამის შესახებ ჯანდაცვის მსოფლიო ორგანიზაციის ევროპის ბიუროს ხელმძღვანელმა, ჰანს კლუგემ ონლაინ პრესკონფერენციაზე განაცხადა.

„ჯანდაცვის მინისტრმა, ეკატერინე ტიკარაძემ და მთავრობამ შეასრულეს ყველა ვალდებულება. პრესაში იყო რაღაც განსხვავებული გზავნილები, მაგრამ საქართველოს მთავრობამ, ქვეყანამ ნამდვილად უპასუხეს ყველა ვალდებულებას. „კოვაქსმა“ ახლა დაიწყო ვაქცინების მიწოდება, მაგრამ ეს რთული პროცესია. პირველი მიწოდება მსოფლიოს მაშტაბით უკვე დაიწყო და იმედი გვაქვს, რომ მომდევნო კვირებში ეს ყველა რეგიონში მოხდება“, – განაცხადა ჰანს კლუგემ.
გორში 13 წლის მოზარდმა ბავშვი გააჩინა, არასრულწლოვანთან სქესობრივი კავშირის ბრალდებით კი 50 წლამდე მამაკაცია დაკავებული
14:44 / 04.03.2021
სამართალდამცავებმა 16 წელს მიუღწეველ პირთან სქესობრივი კავშირის ბრალდებით გორის მუნიციპალიტეტში ერთი პირი დააკავეს.

შსს-ს ინფორმაციით, მომხდარ ფაქტზე გამოძიება სსკ-ის 140-ე მუხლით მიმდინარეობს, რაც ვადით რვიდან თორმეტ წლამდე თავისუფლების აღკვეთას ითვალისწინებს.

შემთხვევა გორის მუნიციპალოტეტის ერთ-ერთ სოფელში მოხდა. "ინტერპრესნიუსის" ინფორმაციით, არასრულწლოვანს, რომელთან სქესობრივი კავშირის გამოც მამაკაცი დააკავეს, 13 წლის ასაკში შვილი შეეძინა და იგი სოციალური სააგენტოს ბავშვთა ზრუნვის სამსახურის მზრუნველობის ქვეშ იმყოფება.

,,ინტერპრესნიუსის" წყაროს ცნობით, ბრალდებული 50 წლამდე ასაკის მამაკაცია.
რას ითვალისწინებს სარესტორნე ბიზნესისთვის სუბსიდირების პროგრამა. თბილისის მერის მოადგილის კომენტარი
14:41 / 04.03.2021
დედაქალაქის მერის მოადგილე ანდრია ბასილაიამ მედიის წარმომადგენლებს თბილისის მერიის ის ინიციატივა განუმარტა, რომელიც დედაქალაქში მცირე და საშუალო სარესტორნე ბიზნესისთვის სუბსიდირების პროგრამის ამოქმედებას ითვალისწინებს.

მერის მოადგილის განცხადებით, აღნიშნული ინიციატივა სარესტორნო ბიზნესის წარმომადგენლებთან აქტიური კომუნიკაციის შედეგად შემუშავდა.

"პანდემიამ მნიშვნელოვნად დააზარალა ეკონომიკის ბევრი დარგი, მათ შორის მნიშვნელოვანი ზარალი მიადგა იმ დარგებს, რომლებიც დამოკიდებულია ტურისტულ ნაკადებზე. თბილისის სარესტორნო ბიზნესი არის ის დარგი, რომელმაც სერიოზული დარტყმა მიიღო პანდემიიდან გამომდინარე. თბილისის მუნიციპალიტეტი თავიდანვე აქტიურ კომუნიკაციაში იყო მათთან და რამდენიმე ღონისძიება გაატარა, მათ შორის, საიჯარო ქირების მოხსნასთან თუ მუნიციპალური სივრცეების დათმობასთან დაკავშირებით, რომ გარეთ გამოეტანათ მაგიდები და სკამები. ცენტრალურ დონეზე მოხდა სესხის სუბსიდირება პროცენტის ნაწილში.
პირველკლასელთა რეგისტრაცია იწყება
13:28 / 04.03.2021
საქართველოს განათლების, მეცნიერების, კულტურისა და სპორტის სამინისტრომ პირველკლასელთა რეგისტრაციისთვის ვადები განსაზღვრა. ამის შესახებ ინფორმაციას საქართველოს განათლების სამინისტრო ავრცელებს. რეგისტრაციის ვადებისა და ეტაპების შესახებ, საქართველოს განათლების, მეცნიერების, კულტურისა და სპორტის მინისტრის პირველმა მოადგილემ ეკატერინე დგებუაძემ სამინისტროში გამართულ ბრიფინგზე ისაუბრა.

განათლების სამინისტროს ინფორმაციით, 2021-2022 სასწავლო წლისთვის სკოლებში დარეგისტრირებას შეძლებენ ბავშვები, რომლებსაც 6 წელი 15 სექტემბრის ჩათვლით უსრულდება.

I ეტაპი - რეგისტრაციის პირველ ეტაპზე, 2021 წლის 15 მარტიდან 2021 წლის 26 მარტის ჩათვლით სკოლებში დარეგისტრირდებიან სპეციალური საგანმანათლებლო საჭიროების ბავშვები.
Wizz Air-ი ფრენებს ანახლებს
13:04 / 04.03.2021
Wizz Air-ი, რომელიც ყოველთვის ძალიან დიდ ინტერესს იწვევს, ფრენებს მარტის ბოლოდან განახლებულ ქუთაისის საერთაშორისო აეროპორტში აახლებს და ამ მომენტისთვის არსებული ინფორმაციით, ფრენებს 20 მიმართულებით შეასრულებს, კვირაში 45 ფრენა, - ამის შესახებ ეკონომიკის მინისტრმა, ნათია თურნავამ მთავრობის სხდომის დასრულების შემდეგ გამართულ ბრიფინგზე განაცხადა.

მისივე ინფორმაციით, მარტის ბოლოდან საქართველოს ავიაბაზარზე ოპერირებას ახალი ავიაკომპანია Wizz Air Abu Dhabi დაიწყებს, რომელიც ფრენებს აბუ დაბი-ქუთაისი-აბუ დაბის მიმართულებით კვირაში 2 სიხშირით შეასრულებს.
ანაკლიის პორტის პროექტისთვის ახალი პოტენციური ინვესტორის შესარჩევად ტენდერი გამოცხადდება
12:57 / 04.03.2021
ანაკლიის ღრმაწყლოვან პორტის ასაშენებლად ინვესტორის შესარჩევად ტენდერი გამოცხადდება, - ამის შესახებ დღეს მთავრობის სხდომაზე საქართველოს პრემიერ-მინისტრმა ირაკლი ღარიბაშვილმა განაცხადა.

მისი თქმით, მთავრობა ანაკლიის პორტის მშენებლობის პროექტის მიმართ მხარდაჭერას ყოველთვის გამოხატავდა. პრემიერმა აღნიშნა, რომ მე-9 მოწვევის პარლამენტმა კონსტიტუციაში შეიტანა ანაკლიის ღრმაწყლოვანი პორტი, როგორც განსაკუთრებული პრიორიტეტი.
აშშ-ის სახელმწიფო დეპარტამენტი ყოველწლიურ ანგარიშში ნარკოტიკების წინააღმდეგ ბრძოლის მიმართულებით საქართველოს შინაგან საქმეთა სამინისტროს მიერ ჩატარებულ წარმატებულ ღონისძიებებზე წერს
12:47 / 04.03.2021
ამერიკის შეერთებული შტატების სახელმწიფო დეპარტამენტის მიერ მომზადებულ საერთაშორისო ნარკოტიკების კონტროლის სტრატეგიის 2021 წლის ანგარიშში, ნარკოტიკების წინააღმდეგ ბრძოლის მიმართულებით 2020 წელს საქართველოს შინაგან საქმეთა სამინისტროს მიერ ჩატარებულ წარმატებულ ღონისძიებებზეა საუბარი.

დოკუმენტში ნათქვამია, რომ 2020 წლის აპრილში, საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტისა და ამერიკის შეერთებული შტატების ერთობლივი მუშაობის შედეგად, ბათუმში 40 კილოგრამი ჰეროინი ამოიღეს.

ანგარიშში ასევე ნათქვამია, რომ 2020 წელს საქართველოში ნარკოტიკებთან დაკავშირებული დანაშაულის რაოდენობა, 2019 წელთან შედარებით, 32 პროცენტით შემცირდა.
თბილისში მომხდარი მკვლელობის ფაქტზე 1 პირი დააკავეს
11:35 / 04.03.2021
სამართალდამცველებმა 1984 წელს დაბადებული ზ.ს. განზრახ მკვლელობის, დამამძიმებელ გარემოებაში ჩადენილი განზრახ მკვლელობის მცდელობის და ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს. ამის შესახებ ინფორმაციას შსს ავრცელებს.

მათივე ინფორმაციით, დანაშაული 11-დან 14 წლამდე ვადით თავისუფლების აღკვეთას ითვალისწინებს.

"გამოძიებით დადგინდა, რომ ბრალდებულმა, წარსულში არსებული უთანხმოების გამო მომხდარი ურთიერთშელაპარაკებისას, ორი პირი - 2001 წელს დაბადებული შ.ქ. და 1988 წელს დაბადებული თ.გ. ცეცხლსასროლი იარაღიდან გასროლით დაჭრა.
ვახუშტი მენაბდე : საარჩევნო რეფორმასთან დაკავშირებით ჩვენთვის მნიშვნელოვანი მიმართულებებით არასაკმარისი ნაბიჯები გადაიდგა
11:26 / 04.03.2021
დანანებით აღვნიშნავ, რომ სამუშაო ჯგუფმა ვერ მიაღწია იმ მიზანს, რომელიც მას დაუსახა "ქართულ ოცნებასა" და "მოქალაქეებს" შორის გაფორმებულმა მემორანდუმმა, – ამის შესახებ ახალგაზრდა იურისტთა ასოციაციის წარმომადგენელმა, კონსტიტუციონალისტმა ვახუშტი მენაბდემ განაცხადა.

მისივე თქმით, საარჩევნო რეფორმასთან დაკავშირებით მათთვის სამი მიმართულება იყო მნიშვნელოვანი, თუმცა, როგორც მენაბდე ამბობს, არასაკმარისი ნაბიჯები გადაიდგა.
ანაკლიის ღრმაწყლოვან პორტის ასაშენებლად ინვესტორის შესარჩევად უახლოეს დღეებში ტენდერი გამოცხადდება
11:26 / 04.03.2021
ანაკლიის ღრმაწყლოვან პორტის ასაშენებლად ინვესტორის შესარჩევად უახლოეს დღეებში ტენდერი გამოცხადდება. ამის შესახებ დღეს მთავრობის სხდომაზე საქართველოს პრემიერ-მინისტრმა ირაკლი ღარიბაშვილმა განაცხადა.

მისი თქმით, მთავრობა ყოველთვი გამოხატავდა მხარდაჭერას ანაკლიის პორტის მშენებლობის პროექტის მიმართ. პრემიერმა აღნიშნა, რომ მე-9 მოწვევის პარლამენტმა კონსტიტუციაში შეიტანა ანაკლის ღრმაწყლოვანი პორტი, როგორც განსაკუთრებული პრიორიტეტი.

"ჩვენ ახალი პოტენციური ინვესტორის შერჩევის პროცესს უახლოეს მომავალში დავიწყებთ. ეკონომიკის სამინისტროს შესაბამისი სააგენტო ტენდერის გამოსაცხადებლად კანონით გათვალისწინებულ პროცედურებს დაიწყებს. რაც ასევე მნიშვნელოვანია, დაიქირავებს საერთაშორისო კონსულტანტს, რომელიც დახმარებას გაგვიწევს ინვესტორის შერჩევის პროცესში", - გნაცხადა ღარიბაშვილმა
პრემიერ-მინისტრის განცხადებით, შეიქმნება სახელმწიფო კომისია, რომელიც ეკონომიკური განვითარების გეგმაზე იმუშავებს
11:22 / 04.03.2021
დღეს ჩვენ დავამტკიცებთ მთავრობის სხდომაზე საკითხს, რომელიც ეხება სახელმწიფო კომისიის შექმნას, რომელიც უახლოესი 3 თვის განმავლობაში იმუშავებს ეკონომიკური განვითარების გეგმაზე და პირველ დოკუმენტს მაისის ბოლოს წარმოადგენს, - ამის შესახებ მთავრობის სხდომის დაწყებამდე პრემიერ-მინისტრმა ირაკლი ღარიბაშვილმა განაცხადა.

მისი თქმით, კომისიაში მონაწილოებას მიიღებს ყველა დაინტერესებული პირი, მათ შორის კერძო სექტორის წარმომადგენლები და მაღალი დონის ექსპერტები.

"ჩვენი ამოცანა იქნება, რაც შეიძლება სწრაფად თითოეული სექტორის მიმართულებით დაიდოს კონკრეტული, გრძელვადიანი განვითარების გეგმა", - აღნიშნა პრემიერ-მინისტრმა.
ირაკლი ღარიბაშვილმა ნამახვანჰესთან დაკავშირებით მინისტრებს ადგილზე ჩასვლა და მოსახლეობასთან აქტიური კომუნიაცია სთხოვა
11:11 / 04.03.2021
ნამახვანჰესთან დაკავშირებით კითხვები არსებობს და მათ დასაბუთებული პასუხი უნდა გაეცეთ. ამის შესახებ საქართველოს პრემიერ-მინისტრმა მთავრობის სხდომის დაწყებამდე განაცხადა. ირაკლი ღარიბაშვილის თქმით, აუცილებელია, მოსახლეობაში არსებულ კითხვებს უშუალოდ მინისტრების მხრიდანაც გაეცეს პასუხი.

"მინდა გამოვეხმაურო ნამახვანჰესთან დაკავშირებით წუხილს, რომელიც საზოგადოებაში გაჩნდა. ბუნებივია, კითხვები არსებობს და მათ შესაბამისი დასაბუთებული, კვალიფიციური პასუხი უნდა გაეცეს. აუცილებელია, მოსახლეობაში არსებულ კითხვებს უშუალოდ მინისტრების მხრიდანაც გაეცეს პასუხი. ამიტომ, მინდა ვთხოვო ქალბატონ თურნავას და ბატონ დავითაშვილს, რომ პირადად ჩავიდნენ ადგილზე, მაგალითად ხვალ და დაიწყონ აქტიური, უშუალო კომუნიკაცია მოსახლეობასთან, აუხსნან, რასთან დაკავშირებით აქვთ წუხილი. ასევე მინდა ვთხოვო ჩვენს მინისტრებს, რომ პარლამენტშიც გამართონ შესაბამისი საკომიტეტო მოსმენები საკითხის ირგვლივ დაინტერესებული პორების მონაწილეობით და ყველა ცხარე კითხვას გაეცეს პასუხი", - აღნიშნა ირაკლი ღარიბაშვილმა.
საქართველოში კორონავირუსის 133 ახალი შემთხვევა გამოვლინდა, გამოჯანმრთელდა 276 პაციენტი
11:01 / 04.03.2021
საქართველოში კორონავირუსის 133 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა.

ქვეყანაში ბოლო 24 საათში 276 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 12 პაციენტი.

ბოლო 24 საათში ქვეყანაში ჩატარდა 10 678 ტესტი, მათ შორის ანტიგენის სწრაფი ტესტით – 5 456, პისიარტესტით – 5 222.

ქვეყანაში კორონავირუსის გამოვლენის დადებითობის მაჩვენებლებია: დღიური – 1,25 პროცენტი, ბოლო 14 დღის – 1,65 პროცენტი, ბოლო შვიდი დღის – 1,25 პროცენტი.
საქართველოში ბოლო 24 საათში კორონავირუსით 12 პაციენტი გარდაიცვალა
10:59 / 04.03.2021
საქართველოში ბოლო 24 საათში კორონავირუსით 12 პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა.

საქართველოში კორონავირუსით გარდაცვლილთა საერთო რაოდენობა 3 553 შეადგენს.

ამასთან, დღეს „კოვიდ-19“-ით ინფიცირების 133 ახალი შემთხვევა გამოვლინდა, გამოჯანმრთელდა 276 პაციენტი.
პარლამენტში საარჩევნო რეფორმასთან დაკავშირებით სამუშაო ჯგუფის შეხვედრა მიმდინარეობს
10:51 / 04.03.2021
პარლამენტში საარჩევნო რეფორმასთან დაკავშირებით სამუშაო ჯგუფის შეხვედრა მიმდინარეობს. სხდომას ესწრებიან საერთაშორისო და ადგილობრივი ორგანიზაციების წარმომადგენლები, ასევე ცესკო-ს ხელმძღვანელობა.

სხდომაზე ორგანიზაციების რეკომენდაციების წარდგენა და განხილვა მოხდება.

ახალი საარჩევნო რეფორმის ინიცირება 8 მარტის ბიუროს სხდომაზე მოხდება.

ცვლილებები სამუშაო ჯგუფმა მოამზადა და მისი გადაგზავნა იგეგმება ეუთო/ოდირში.

საარჩევნო ცვლილებებით ახლებურად დაკომპლექტდება საარჩევნო ადმინისტრაცია ყველა დონეზე. ცესკო 17 წევრით დაკომპლექტდება, რომელთაგან რვა პროფესიული ნიშნით აირჩევა, ცხრა წევრს ის პარტიები წარადგენენ, რომელთაც საარჩევნო ბარიერი გადალახეს და თითო პარტიას თითო წარმომადგენელი ეყოლება.
დავით ზალკალიანმა ის ქვეყნები დაასახელა, რომლებთანაც საქართველოს მოქალაქეების ლეგალური დასაქმების საკითხზე მუშაობა მიმდინარეობს
10:09 / 04.03.2021
საქართველოს საგარეო უწყება ქვეყნის მოქალაქეების ლეგალურად დასაქმების საკითხზე გერმანიის შემდეგ ბევრ ქვეყანასთან, მათ შორის საფრანგეთთან და ისრაელთან მუშაობს. ამის შესახებ დავით ზალკალიანმა განაცხდა. საგარეო საქმეთა მინისტრის თქმით, ქვეყნებთან გაფორმებული შეთანხმების შემადგენელი ნაწილი იქნება პირობა, რომ საქართველოდან სამუშაოდ წასული მოქალაქეები უკან დაბრუნდნენ და საზღვარგარეთ მიღებული გამოცდილება საკუთარ ქვეყანას მოახმარონ.
დღის სიახლეები
კალენდარი
×