4 სექტემბრიდან 12 კვირის განმავლობაში, „ვითიბი ბანკის“ ყველა ტიპის Visa ბარათით და Apple Pay-ს მეშვეობით გადახდა მომგებიანი ხდება, - ამის შესახებ „ინტერპრესნიუსს“ „ვითიბი ბანკიდან“ აცნობეს.

მათი ინფორმაციით, სამი გამარჯვებულის გამოვლენა ყოველი კვირის განმავლობაში მოხდება. ორი გამარჯვებული ტრანზაქციების რაოდენობის მიხედვით გამოვლინდება, ხოლო ერთი - გატარებული თანხის მოცულობის მიხედვით.

„ვითიბი ბანკის“ ცნობით, სამივე გამარჯვებულს საქართველოს ტოპ სასტუმროებში 2 ღამით ორკაციანი საგზური გადაეცემა.

მათი ინფორმაციით, გათამაშების პირველი გამარჯვებულები 15 სექტემბერს გამოვლინდებიან, ხოლო შემდეგი გამარჯვებულების სია ყოველი კვირის დასრულებისთანავე, არაუგვიანეს მომდევნო კვირის მეორე სამუშაო დღეს გახდება ცნობილი. გათამაშება 1 დეკემბრამდე გაგრძელდება.

„გათამაშებაში მონაწილეობა შეუძლია ნებისმიერ სრულწლოვან პირს (კანონით გათვალისწინებული პირების და „ვითიბი ბანკის“ თანამშრომლების გარდა), რომელიც არის საქართველოს მოქალაქე და ფლობს „ვითიბი ბანკის“ Visa-ს ბარათს.

გათამაშების პერიოდის განამავლობაში, ყოველ ორშაბათს, „ვითიბი ბანკის“ ვებ - გვერდზე გამოქვეყნდება მონაწილეთა სია შემდეგი მონაცემებით: ბარათის მფლობელის ინიციალები და დაბადების თარიღი, ასევე გატარებული ტრანზაქციების რაოდენობა და მოცულობა“, - ნათქვამია ინფორმაციაში.