უნდა შევეცადოთ რუსეთთან კიდევ ერთი შედეგზე ორიენტირებული დიალოგი იყოს გარკვეულ საკითხებთან მიმართებაში
ევროკავშირის, ნატოს წევრი ქვეყნები, ჩვენი მეგობრები მოგვიწოდებენ, რომ მაქსიმალურად შევძლოთ რუსეთთან დალაპარაკება და მოლაპარაკება,- ამის შესახებ რეგიონალური განვითარების ჰაბის თავმჯდომარემ, გიორგი ფარეშიშვილმა განაცხადა.
მისი თქმით, აუცილებელია რომ ყინულის დაძვრა მოხდეს.
,,იმდენად მწვავედ დგას ჩვენს ქვეყანაში ოკუპაციის პრობლემა, იმდენი პრობლემაა ამის თანმდევი , ყველაფერში პრობლემა იქმნება რუსული ოკუპაციის პირობებში, რომ საერთაშორისო საზოგადოებაც ყველა მიმართულებით, როგორც ნატოს წევრი ქვეყნები, ასევე ევროკავშირის და ჩვენი მეგობარი ქვეყნები მოგვიწოდებენ , რომ მაქსიმალურად შევძლოთ მოლაპარაკება , დალაპარაკება ერთმანეთთან. მე ვფიქრობ, ყველა უნდა შევეცადოთ, გამოვიყენოთ ყველა პლათფორმა იმისათვის, რომ რა თქმა უნდა ღირსეულად , რა თქმა უნდა შესაბამის სიმაღლეზე ქართული დიპლომატიის სახელმწიფოებრიობის , სახელმწიფო ინტერესების სრული დაცვით , საქართველოს სუვერენიტეტის პატივისცემით ვფიქრობ , რომ აუცილებელია ყინულების დაძვრა მოხდეს. იმდენად დიდი და რთული პრობლემაა რუსული ოკუპაცია და იმდენ პრობლემას უქმნის ქვეყანას, რომ მაქსიმალურად შევეცადოთ კიდევ ერთ შედეგზე ორიენტირებული დიალოგი იყოს გარკვეულ საკითხებთან მიმართებაში. კარგი იქნება საერთაშორისო საზოგადოება და ჩვენი პარტნიორები აქტიურად ჩაერთონ ამ მოლაპარაკების პროცესში და მაქსიმალურად ეფექტური იყოს ეს მოლაპარაკებების. კიდევ ერთხელ ვამბობ ისინიც მოგვიწოდებენ ამისაკენ , რომ მოხდეს რაღაც გარკვეული დიალოგის დაწყება მთელ რიგ საკითხებთან მიმართებაში.
