Wizz Air კორონავირუსის პანდემიის გავრცელების პრევენციის მიზნით, საგანგებო მდგომარეობის დასრულებიდან დამატებით 10 დღით, 2020 წლის 1-ელ მაისამდე საქართველოდან ყველა მიმართულებით ფრენებს აჩერებს.

როგორც კომპანიის მიერ გავრცელებულ განცხადებაშია ნათქვამი, მომხმარებლები რომლებსაც დაჯავშნილი ჰქონდათ ბილეთები ავიაკომპანიის ვებგვერდისა თუ მობილური აპლიკაციის საშუალებით, აღნიშნულის შესახებ შეტყობინებას ელფოსტაზე მიიღებენ.

მათ ბილეთის ღირებულების 120%-იანი ანაზღაურებათ და ავტომატურად აესახებათ მომხმარებლის Wizz Credit-ზე, რომლითაც 24 თვის განმავლობაში შეძლებენ ისარგებლონ Wizz Air-ის პროდუქტებითა და სერვისებით, მაგრამ, ამასთანავე, ექნებათ შესაძლებლობა მოითხოვონ ბილეთის საფასურის 100%-ის ფულადი სახით ანაზღაურება, რომელიც შედარებით უფრო დიდ დროს მოითხოვს. მათ ელფოსტის საშუალებით ეცნობებათ ყველა აუცილებელი საბანკო პროცედურისა თუ საბარათე ოპერაციის შესახებ.

ავიაკომპანია Wizz Air-მა ქუთაისის საეთაშორისო აეროპორტიდან ოპერირება 2012 წელს დაიწყო. 2016 წლის სექტემბერში ქუთაისის საერთაშორისო აეროპორტში, რეგიონში ავიაკომპანია ვიზეარის პირველი ბაზა გაიხსნა. 2017 წლის მაისში ქუთაისის საერთაშორისო აეროპორტს ვიზეარის მეორე ბაზირებული საჰაერო ხომალდი და ევროპის 5 ყველაზე მოთხოვნადი მიმართულება დაემატა. 2018 წელს ვიზეარმა ქუთაისის საერთაშორისო აეროპორტის მგზავრთნაკადის 95 % გადაიყვანა ( 587,643 მგზავრი) და საქართველოს ავიაციის ისტორიაში პირველად, ვიზეარი ბაზრის ლიდერი გახდა, 825 290 გადაყვანილი მგზავრით კომპანიამ ლიდერობა 2019 წელსაც შეინარჩუნა.