სომხეთის პრემიერ-მინისტრი, ნიკოლა ფაშინიანი აცხადებს, რომ შესაძლოა ქვეყანაში 100 000-ზე მეტი ადამიანი იყოს კოვიდინფიცირებული. ფაშიანიანი სოც. ქსელში აქვეყნებს ცხრილს, სადაც ასახულია კორონავირუსის დადასტურებული შემთხვევები და ასევე, შემდეგი პერიოდის პროგნოზი.

”ამ მონაცემთა ანალიზმა აჩვენა, რომ ამჟამად სომხეთში 100 ათასზე მეტი მატარებელია [კორონავირუსის]”, – წერს ფაშინიანი.

ოფიციალური მონაცემებით, სომხეთში კორონავირუსით ინფიცირებულთა რიცხვმა 13 130-ს მიაღწია.