„ნაციონალური მოძრაობის“ წევრის, სალომე სამადაშვილის განცხადებით, თუ ოპოზიცია ხელისუფლებასთან შეთანხმებას ვერ მიაღწევს, მათ ადგილობრივ არჩევნებში მონაწილეობას აზრი არ ექნება. ამის შესახებ სამადაშვილმა „პალიტრანიუსის“ ეთერში განაცხადა.

„ჩვენ ვდგავართ იმ გამოწვევის წინაშე, რომ თუ არ მივაღწევთ შეთანხმებას როგორც პოლიტპატიმრების გათავისუფლებაზე, ასევე ქვეყანაში პოლიტიკური ნიშნით ადამიანების დევნის შეწყვეტაზე, არ მივაღწევთ შეთანხმებას საარჩევნო გარემოს სრულიად შეცვლის თაობაზე, არ მივიღებთ დაპირებას საარჩევნო ადმინისტრაციის შეცვლაზე, თუ ადგილობრივ არჩევნებამდე არაფერი მოხდება, რეალობა, რომლის წინაშეც აღმოვჩნდებით იქნება ისეთი, რომ ადგილობრივ არჩევნებში მონაწილეობის მიღებას აზრი არ ექნება, ესაა ჩემი პერსონალური მოსაზრება“, - განაცხადა სამადაშვილმა.