დიდი ბრიტანეთის პრემიერ-მინისტრმა, ბორის ჯონსონმა განაცხადა, რომ ქვეყანაში კორონავირუსის ინფექციის მაჩვენებელი კვლავ საგანგაშოდ მაღალია.

„იმედის გარკვეული ნიშნებია. საავადმყოფოში კოვიდპაციენტთა რიცხვი კლებას იწყებს, მაგრამ საავადმყოფოში კვლავ 32 ათასზე მეტი პაციენტი რჩება“, - აღნიშნა ბორის ჯონსონმა.

თავის მხრივ, ინგლისის მთავარმა ექიმმა, კრის უიტიმ აღნიშნა, რომ კორონავირუსით დაავადებულთა სიკვდილიანობის რიცხვი იკლებს, მაგრამ მაჩვენებელი კვლავ ძალიან მაღალია.

პანდემიის დაწყებიდან დღემდე, დიდ ბრიტანეთში კორონავირუსის 3 871 825 შემთხვევა გამოვლინდა, 109 335 ადამიანი კი გარდაიცვალა.