მივიღე გადაწყვეტილება ბათუმის გუნდთან ერთად დავტოვო პარტია "მოქალაქეები"-, ამის შესახებ პარტია "მოქალაქეების" აჭარის ორგანიზაციის წევრი, გიორგი გაბაიძე ფეისბუქის საკუთარ გვერდზე წერს.
მისივე ინფორმაციით, ორგანიზაციის თავმჯდომარესთან ერთად, პარტიას სხვა წევრებიც ტოვებენ.

"მჯერა მათი უანგარობისა და ქვეყნის სიყვარულის. წარმატებები მინდა ვუსურვო პარტია "მოქალაქეების" გუნდს უკეთესი საქართველოს შექმნის პროცესში. ვაგრძელებ ბრძოლას სამოქალაქო აქტივიზმის ბრძოლის ველზე – იმ გუნდთან ერთად, რომელიც ამ ხნის განმავლობაში შრომობდა ჩვენი ქვეყნის უკეთესი მომავლისათვის!",-წერს, გიორგი გაბაიძე.

ცნობისთვის, რამდენიმე წუთის წინ პარტია "მოქალაქეების" აჭარის ორგანიზაციის ხელმძღვანელმა, გენრი დოლიძემ ფეისბუქით ამცნო საზოგადოებას, რომ ტოვებს პარტიას და სამოქალაქო აქტივობას უბრუნდება.