ძალიან ბევრი საკითხი და რეფორმა დაკავშირებულია ირაკლი ღარიბაშვილთან, გამოვყოფდი განსაკუთრებულ ფაქტს, ეს არის ასოცირების შეთანხმების ხელმოწერა, რომელიც ჩვენი ქვეყნისთვის ნამდვილად დიდი მოვლენა იყო, - ამის შესახებ პარლამენტის თავმჯდომარის მოადგილემ, კახა კუჭავამ „ქრონიკაში“ განაცხადა.

მისი თქმით, ირაკლი ღარიბაშვილს ძალიან დიდი გამოცდილება დაუგროვდა, მათ შორის საერთაშორისო ასპარეზზე.

„მნიშვნელოვანი იყო ძალიან აქტიურად განხორციელება იმ სამოქმედო გეგმისა და ვალდებულებების, რომელიც ჩვენ ამ ხელშეკრულებიდან ავიღეთ, რომელმაც მიგვიყავანა საბოლოოდ თუნდაც უვიზო მიმოსვლის შეთანხმებასთან. ასევე არის ბევრი სხვა საკითხი, რის გამოც მას იცნობენ. ის იყო აქტიური პრემიერ-მინისტრი, ასევე იყო აქტიური მინისტრიც. მას ძალიან დიდი გამოცდილება დაუგროვდა, მათ შორის საერთაშორისო ასპარეზზე თანამშრომლობის“, - განაცხადა კახა კუჭავამ.

„ქართულმა ოცნებამ“ პრემიერ-მინისტრობის კანდიდატად ირაკლი ღარიბაშვილი წარადგინა.

გიორგი გახარიამ პრემიერ-მინისტრის თანამდებობა დღეს დატოვა.