ახლა ჩვენ უნდა ვიყოთ სრული ფარჩაკები ესენი რომ ვერ დავასრულოთ, – ამის შესახებ საქართველოს ყოფილი პრეზიდენტი, უკრაინის რეფორმების აღმასრულებელი კომიტეტის თავმჯდომარე მიხეილ სააკაშილი სოციალურ ქსელში წერს.

მიხეილ სააკაშვილი ევროპის მოედანზე დღეს გამართულ მოქალაქეების შეკრებას ეხმაურება.

„აი ამდენი დარჩნენ ზუსტად ქოცები თავის სახელმწიფო მოხელეებთან ერთად რაც დღეს იხილეთ. ასლანს თავისი დასასრულის ჟამს ბევრად მეტი ყავდა. ახლა ჩვენ უნდა ვიყოთ სრული ფარჩაკები ესენი რომ ვერ დავასრულოთ…ქართველ ხალხს ივანიშვილი ვერ გააფარჩაკებს“, – აღნიშნავს მიხეილ სააკაშვილი.

ამასთან, მოქალაქეები დღეს ევროპის მოედანზე შეიკრიბნენ, სადაც მათ სიტყვით მიმართა მომღერალმა, გია გაჩეჩილაძემ. მოქალაქეებმა ევროპის მოედნიდან მსვლელობით საპატრიარქოს მიმდებარე ტერიტორიაზე გადაინაცვლეს, სადაც სრულიად საქართველოს კათოლიკოს-პატრიარქს მადლობა გადაუხადეს. რის შემდეგაც „დედა ენის ბაღში“ მივიდნენ და „საქართველოსა და ქართველთა მარადისობის დღე დააფუძნეს.