“ოცნება” და გახარია ერთი ხის ორი ტოტია, ივანიშვილი თავისი ანებსაც აპირისპირებს და ამით ტკბება ხოლმე, – ამის შესახებ “ლელოს” ლიდერმა ბადრი ჯაფარიძემ “მთავარი არხის” ეთერში განაცხადა.

“მიმაჩნია, რომ პოლიტიკურ ველზე ის [გიორგი გახარია] ბიძინა ივანიშვილის მიერაა შემოყვანილი. იმისათვის, რომ მოახერხოს მანევრირება. ეს ივანიშვილისთვის დამახასიათებელია, რომ თავისი ანებსაც ერთმანეთს აპირისპირებს და ამით ხანდახან ტკბება კიდევაც, როგორც მე ვიცი ბევრი ადამიანისგან, რომელიც მას კარგად იცნობს.

ახლაც შემოიყვანა გახარია, რომელსაც ერთი მწვავე სიტყვა არ დასცდენია ივანიშვილის მიმართ. ამიტომ, ის ახლა ებრძვის “ქართულ ოცნებას”. შესაძლოა, ესეც მოდელირებული ბრძოლაა, მაგრამ ფაქტია, რომ ერთმანეთს საკმაოდ მკვახედ მოიხსენიებენ. მაგრამ ერთი ხის ორი ტოტია. გახარიას ყველა კრიტიკულ საკითხზე იგივე პოზიცია აქვს დაშესაძლოა უფრო რადიკალურიც კი, ვიდრე “ქართულ ოცნება”, – განაცხადა ბადრი ჯაფარიძემ.