"კანონი და სამართლის" ლიდერმა თაკო ჩარკვიანმა "ფორტუნას" ეთერში გადაცემაში "დღის თემა" გიორგი გახარიას გუშინდელი ინტერვიუ შეაფასა.

როგორც ჩარკვიანმა აღნიშნა, გახარიამ მთავარ კითხვებს ვერ გასცა პასუხი, რაც 20 ივნისს უკავშირდება.

მისივე პროგნოზით, გიორგი გახარია "ქართულ ოცნებას"გარკვეული ხმების რაოდენობას წაართმევს, თუმცა ოპოზიციის ელექტორატიდან 1 ხმასაც ვერ მიიღებს.

თუ თოჯინა იყავი და გაგაკეთებინეს, მაშინ ასეთი თოჯინა საქართველოს პილიტიკას არ სჭირდები.

ხოლო, თუ თოჯინა არ იყავი და შენ გააკეთე მითუმეტეს არ სჭირდები.

ჩემთვის დიდ პერსონას არ წარმოადგენს დღევანდელ პოლიტიკაში გახარია, მგონია, რომ "ქართულ ოცნებას" ხმებს წაწიწკნის, ეს იქნება და ეს.

ოპოზიციას-გამორიცხულია, ერთ ხმას ვერ წაიღებს ოპოზიციიდან.

მე იცით, რომელ კატეგორიას მივეკუთვნები? თუ არ მომწონდა 7 ნოემბერი, რატომ უნდა მომწონდეს 20 ივნისი? პასუხი ამაზე არ აქვთ "ქართულ ოცნებაში".-აღნიშნა თაკო ჩარკვიანმა "ფორტუნას" ეთერში.