“ღრმად მწამს რომ ელენე არასდროს მომცემს შესაძლებლობას, დამავიწყდეს თბილისი და თითოეული თბილისელი. ღრმად მწამს, რომ ელენე იქნება თბილისის ისტორიაში პირველი ქალი საკრებულოს თავმჯდომარე.”

ამის შესახებ “ნაციონალური მოძრაობის” თავმჯდომარე ნიკა მელიამ განაცხადა, რომელმაც თვითმმართველობის არჩევნებში საკუთარი თავი თბილისის მერობის, ხოლო მოძრაობა “დროას” თავმჯდომარე ელენე ხოშტარია თბილისის საკრებულოს თავმჯდომარის კანდიდატად წარადგინა.

“დღეს მე და ელენე გამოვდივართ როგორც მრავალპარტიული კოალიცისს წარმომადგენლები. მე როგორც მერობის კანდიდატი ჩემი პოლიტიკური მოძრაობიდან, გირჩი – მეტი თავისუფლება, რომელიც წარმოადგენს ვიცე მერს უახლოეს მომავალში, ხოლო ელენე ხოშტარია როგორც საკრებულოს თავმჯდომარეობის კანდიდატი საკუთარი მოძრაობიდან. დღეს ობიექტური მიზეზების გამო, ჩვენს გვერდით არ დგას ზურაბ ჯაფარიძე და აქედან მინდა მას გამოჯანმრთელება ვუსურვო. ღრმად მწამს, რომ ყველა სწორ და საჭირო წამოწყებაში ყველა ერთად ვიქნებით მთავარი მოკავშირეები. ღრმად მწამს, რომ საქვეყნო საქმეში ელენე იქნება არა ჩემი მეგობარი, არამედ თქვენი მეგობარი. ღრმად მწამს რომ ელენე არასდროს მომცემს შესაძლებლობას, დამავიწყდეს თბილისი და თითოეული თბილისელი. ღრმად მწამს, რომ ელენე იქნება თბილისის ისტორიაში პირველი ქალი საკრებულოს თავმჯდომარე. ღმად მწამს რომ ჩვენ ვიქნებით ერთი გუნდი და შემოგვიერთდება ყველა, ვისაც ნამდვილად სწამს და სჯერა, რომ კოალიციური მმართველობა არის ერთადერთი ეფექტური არა მხოლოდ “ქართული ოცნების, შესაცვლელად, არამედ ჩვენი ქვეყნის და ჩვენი ქალაქის გასავითარებლად.” -განაცხადა ნიკა მელიამ.

შეგახსენებთ: ნიკა მელია ოპოზიციის ერთი ნაწილის თბილისის მერობის კანდიდატია, ელენე ხოშტარია – საკრებულოს თავმჯდომარეობის.
ამის შესახებ მათ საზოგადოებისადმი მიმართვაში განაცხადეს.

როგორც ნიკა მელიამ აღნიშნა, ის ერთვება სამართლიანობისთვის ბრძოლაში.

“დადგა დრო თბილისის მერი ამაყად დადიოდეს ქუჩებში და შეეძლოს თქმა, რომ მე თბილისს ვემსახურებიო, რაც პოლიტიკაზე მეტია”, – თქვა ნიკა მელიამ.