„ერთობის - გაერთიანების პირველი მტერი ეს გიგა ბოკერიაა! ტოქსიკოზია ოპოზიციაში“, - ამის შესახებ პარტია „კანონი და სამართლის“ ლიდერმა, დეპუტატმა თაკო ჩარკვიანმა საკუთარ Facebook გვერდზე დაწერა.

მისი თქმით, ბოკერია არის ყველაფრის დამშლელი და „ყველანაირი ერთობის გამანადგურებელია“.

„კვლავ ამბიციები - ბოკერიას ამბიციები ( უსაფუძვლო) ჯიბრი, სხვისი პარტიის ამომრჩევლების ხმების მითვისებაზე ფიქრი, აი ეს სამარცხვინო გეგმა „ავადმყოფური“ ლტოლვა უმაღლესი თანამდებობისკენ, მიშას მიმართ მრავალწლიანი კომპლექსები, საკუთარი დაშლილი პარტია, სხვისი მოპოვებული დივიდენდებით არსებობა პოლიტიკურ „სცენაზე“, სრული მრავალწლიანი მარცხი, რომელსაც არაფერი ეშველება არასოდეს, რადგან ვერ „გიტანს“ ამომრჩეველი, ყველაფრის სააკაშვილზე გადაბრალება, აი სანამ ამ „პოლიტიკური სურვილებით დაავადებულ“ „ცრუ გონებას“ არ მივუჩენთ ადგილს, არანაირი ერთობა, არანაირი ერთობა არ იარსებებს!

ყველაფრის დამშლელი, ყველანაირი ერთობის გამანადგურებელი და თან არა უანგაროდ - ეს გიგა ბოკერიაა, დაშლილი პარტიით ბოკერია, რომელიც მხოლოდ იმიტომ არ შევიდა პარლამენტში, რომ მანდატი არ ჰქონდა - სხვა არაფერი! 2016 წელს სხვისი ხმების წამღები, (თავად რაც აქვს კი ხედავთ)

მიშა სააკაშვილის დროს უშიშროების საბჭოს ხელმძღვანელი, ყველაფრის ( თავისი სამარცხვინო საქციელის) სააკაშვილზე და სხვებზე გადამბრალებელი!

ძალა ერთობის დამშლელი, ( რადგან 2018 წელს „ძალაერთობის“ წარმატებული პროექტი ვერ გადაიტანა)
ახლაც, ერთობის - გაერთიანების პირველი მტერი ეს გიგა ბოკერიაა!

რა ქნას ამომრჩეველმა მეტი, როგორ გამოხატოს მის მიმართ უარყოფითი დამოკიდებულება, არსად არ ემხრობიან, მეტი რა ქნას ამორჩეველმა, რა ქნას ბრძენმა ხალხმა მეტი?! ტოქსიკოზია ოპოზიციაში!

ვალდებული ვარ თქვენს წინაშე, რომ სიმართლე გითხრათ ყოველთვის! ბიძინას არ „სძინავს“! - წერს თაკო ჩარკვიანი სოციალურ ქსელში.