კულტურის, სპორტისა და ახალგაზრდობის მინისტრმა თეა წულუკიანმა, “ღამის კურიერის” ეთერში საკუთარი სიტყვების – “ქართული ოცნების” პოლიტიკური ოჯახის შიგნით არის მომხდარი ღალატი” განმარტება გააკეთა.

იგულისხმა თუ არა, მან ღალატში ფარული ჩანაწერები? – ამაზე ვიცე-პრემიერმა განაცხადა, რომ ეს არ არის გამორიცხული.

თეა წულუკიანმა აღნიშნა, რომ “ოცნებასთან” პოლიტიკურ ოპოზიციაში იმყოფება სახელმწიფო უსაფრთხოების სამსახურის არაერთი მაღალჩინოსანი, თუმცა სახელებისა და გვარების დასახელებისგან მან თავი შეიკავა.

“დღეს “ქართულ ოცნებასთან” პოლიტიკურ ოპოზიციაში იმყოფება სახელმწიფო უსაფრთხოების სამსახურის არაერთი მაღალჩინოსანი, ისინი კი ებრძვიან “ქართულ ოცნებას”. შესაბამისად, არ გამოვრიცხავ, რომ რომელიმე მათგანს გაეკეთებინა ეს. ესენი არიან ადამიანები, რომლებიც ცდილობენ თავი მოგვაჩვენონ, რომ არაფერი არ იციან და არიან კდემამოსილები და სპეტაკნი, მაგრამ მათ მომავალში ძალიან სერიოზულ კითხვებზე მოუწევთ პასუხის გაცემა, მათ შორის არა მხოლოდ გახარიას და ხოჯევანიშვილს”- განაცხადა თეა წულუკიანმა.