გადავიდნენ გეგმა B-ზე, რომელიც გულისხმობს რევოლუციური პროცესების განვითარებას, რომ ხალხი შეიკრიბოს, დაიძრას და მისი გამოხსნა მოხდეს საპატიმროდან,- ამის შესახებ ჟურნალისტებთან საქართველოს პარლამენტის პირველმა ვიცე- სპიკერმა გია ვოლსკიმ განაცხადა.

მისი თქმით, სააკაშვილის მოწოდებები არ ითვალისწინებს არც კოალიციურ მთავრობას და არც არჩევნების ორგანიზებულად, საერთაშორისო სტანდარტით ჩატარებას.

"კოალიციური მთავრობის თემას "ნაცმოძრაობა" ამუშავებს იმისთვის, რომ კონკრეტული პარტიები იმ ფორმატში დააბრუნოს, რომელიც ახლახანს ჰქონდათ, მათ შორის, საერთაშორისო თანამეგობრობის ყურადღების მისაქცევადაც. "ნაცმოძრაობა" არავის წინ წაწევას არ აპირებს. თუ რეალურად ჩვენ მეორე ტურის არჩევნებს ვიხილავთ, როგორც ვითარების დაწყნარების პერსპექტივას, ასეთ პერსპექტივას "ნაცმოძრაობა" არ იხილავს. საერთოდ, ეს პარტია მეორე ტურის თემასაც არ იხილავს იმდენად, რამდენადაც სააკაშვილის მოწოდება არ ითვალისწინებს არც კოალიციურ მთავრობას და არც არჩევნების ორგანიზებულად, საერთაშორისო სტანდარტით ჩატარებას.

რასაკვირველია, სააკაშვილის და მისი გუნდის მთავარი მიზანი იყო საერთაშორისო თანამეგობრობის ყურადღება მიექცია იმ დანაშაულებების თითქოს პოლიტიკურ ასპექტზე, რაც რეალობაში პოლიტიკასთან არანაირ კავშირში არ არის და რისთვისაც სასჯელს იხდის სააკაშვილი, როცა ეს თემა ვერ განვითარდა, გადავიდნენ გეგმა B- ზე, რომელიც გულისხმობს რევოლუციური პროცესების განვითარებას, რომ არჩევნებს არანაირი წინაპირობა არ ჰქონდეს, შეიკრიბოს ხალხი, დაიძრას და მისი გამოხსნა მოხდეს საპატიმროდან, ეს არის იდეა, ვინაიდან არჩევნების თემას "ნაცმოძრაობა" არასდროს იზიარებდა და ახლაც არ იზიარებს", - განაცხადა ვოლსკიმ.