დაავადებათა კონტროლის ეროვნული ცენტრის დირექტორმა ამირან გამყრელიძემ „ფორმულას“ ეთერში, კორონავირუსის ახალი ვარიანტის „ომიკრონის“ გავრცელების შესახებ ისაუბრა.

ამირან გამყრელიძის თქმით, ახალი შტამი მარტივად ვრცელდება და მალე დომინანტი გახდება.

ამასთან, დაავადებათა კონტროლის ეროვნული ცენტრის დირექტორმა, მოსახლეობას ვაქცინაციისკენ მოუწოდა და აღნიშნა, რომ სიკვდილიანობის მხრივ კლება შეინიშნება.

„დადებითი შემთხვევებიდან „ომიკრონის“ წილი გახლავთ 2.24. „ომიკრონი“ შედარებით უფრო მსუბუქად მიმდინარეობს ამ ეტაპამდე. ფაქტია, რომ ის ემართება, როგორც აცრილებს ისე აუცრელებს, თუმცა აცრილებში ის კიდევ უფრო მსუბუქად მიმდინარეობს.

მთავარი მოწოდება ისევ და ისევ არის ის, რომ ყველა ვიყოთ აცრილი. სიკვდილიანობის მაჩვენებელი არ გაზრდილა, პირიქით შემცირების ტენდენცია შეინიშნება, მაგრამ ამან არ უნდა გაათამამოს მოსახლეობა. აცრების გარეშე მაინც ეს პანდემია ვერ დამთავრდება“, - განაცხადა ამირან გამყრელიძემ.