ექსპრეზიდენტის მიხეილ სააკაშვილის ადვოკატი ბექა ბასილაია აცხადებს, რომ წერილობითი კომუნიკაციის საშუალება მიხეილ სააკაშვილთან არ აქვს.

ადვოკატის თქმით, სააკაშვილის მიმართ არაერთი ფუნდამენტური უფლება დაირღვა.

„ბუნებრივია, წლევანდელი წელი უნდა იყოს მიხეილ სააკაშვილის პატიმრობის დასრულების წელი, საქართველოს არ ეკადრება მესამე პრეზიდენტი ჰყავდეს პოლიტიკურ მძევლობაში ისეთ საქმეებზე, სადაც არ არის არანაირი მტკიცებულებები და ჩვენ ვხედავთ, რომ მიხეილ სააკაშვილის მიმართ არაერთი ფუნდამენტური უფლება არსებითად დაირღვა და ამ უფლებების აღდგენის თვალსაზრისით უმნიშვნელოვანესია, რომ მიხეილ სააკაშვილი გათავისუფლდეს“, - აცხადებს ბექა ბასილაია.