საქართველოს პირველი პრეზიდენტის ვაჟი გიორგი გამსახურდია მიხეილ სააკაშვილის სასამართლო პროცესს ეხმაურება, რომელზედაც ექსპრეზიდენტმა განაცხადა, რომ ზვიად გამსახურდიას დაჭერის შემთხვევაში ის უკანონო რეჟიმის მიერ საქართველოს სახელმწიფო საზღვრის „უკანონო გადმოლახვისთვის“ აუცილებლად გასამართლდებოდა. „არ გამკვირვებია მიშასგან ეს მონაროში, კაცი ხუნტის წარმომადგენელი იყო კიევში, ეგრე წარუდგინა თავი ჟურნალისტს, მარია გრაჩიკს და შესაბამისად, რუსული ხუნტის ნარატივის თანახმად, ზვიადმა, კანონიერმა პრეზიდენტმა, უკანონოდ გადმოლახა საზღვარი. როგორც ჩემი საყვარელი კახელები იტყვიან, სად ერეკლეო...“, - წერს გიორგი გამსახურდია „ტვიტერზე“.

ექსპრეზიდენტ მიხეილ სააკაშვილის განცხადებას, ასევე, გამოუხმაურა საქართველოს პირველი პრეზიდენტის ზვიად გამსახურდიას შვილი კონსტანტინე გამსახურდია და აღნიშნა, რომ ზვიად გამსახურდიას საზღვარი უკანონოდ არ გადაუკვეთია.