“აიპრესის” მკითხველმა ძალიან კარგად იცის, რომ ყოველთვის განსაკუთრებულ ყურადღებას ვუთმობთ ქართველი ახალგაზრდების წარმატებებს საზღვარგარეთ. ამჯერად კიდევ ერთი წარჩინებული ქართველი მოსწავლის შესახებ გვინდა მოგიყვეთ ძალიან კარგი ამბავი.

17 წლის ელენე ამერიკაში ერთ-ერთ ყველაზე ცნობილ უნივერსიტეტში ისწავლის.

ელენე ბასლანძე: მოვხვდი დრიუს უნივერსიტეტში ( ამ ეტაპზე პირველი პასუხია და პირველივე ჩარიცხვა) არის მედისონში, ნიუ ჯერსიში, ამერიკის შეერთებულ შტატებში. არის ლიბერალური ხელოვნების ( Liberal Arts ) უნივერსიტეტი.

მივიღე 20000 დოლარიანი დაფინანსება Public Health – საჯარო ჯანდაცვა ანუ მედიცინის შესავლების კურსზე ( ბაკალავრიატი) წელიწადში დამიფინანსებენ 20000$ს ანუ ბაკალავრიატის განმავლობაში მაქვს 80000$ იანი გრანტი.” -გვითხრა ელენემ.

ელენესთვის ეს არ არის პირველი წარმატება. ასაკის მიუხედავად მას მონაწილეობა აქვს მიღებული გაეროს პროექტებში. სკოლას ოქროს მედალზე ამთავრებს.

ელენე ბასლანძე: მე სკოლას ვამთავრებ ოქროს მედალზე, ასევე მონაწილეობა მიმიღია გაეროს პროექტებში და სამუშაო გამოცდილება მაქვს მიღებული კანტის აკადემიასა და ლობს ქოუჩინგში. ჯერჯერობით ველოდები სხვა უნივერსიტეტებისგან პასუხებს და აპრილში გადაწყდება საბოლოოდ სად წავალ, მაგრამ სადაც გაგზავნილი მაქვს, ყველა ძალიან მომწონს და დიდი სიამოვნებით გავაგრძელებდი ნებისმიერ უნივერსიტეტში სწავლას.