„პირველ რიგში, მიხეილ სააკაშვილის თავისუფლება არის ყველაზე პრიორიტეტული საკითხი და ამის გამო ყველა მიმართულებით ვიმუშავებთ“, - ამის შესახებ „მთავარის“ ეთერში პარტია „ნაციონალური მოძრაობის“ თავმჯდომარემ კობა ნაყოფიამ განაცხადა. კობა ნაყოფიას თქმით, პარლამენტში „ნაციონალური მოძრაობა“ ბევრი მიმართულებით იმუშავებს, მათ შორის სააკაშვილის სწრაფად გათავისუფლებისთვის.

„ყველაზე მნიშვნელოვანი პრიორიტეტია საპარლამენტო ტრიბუნა. ჩვენ მართლა ბევრი მიმართულებით უნდა ვიმუშაოთ პარლამენტში და გამოვიყენოთ საპარლამენტო ტრიბუნა. საპარლამენტო ტრიბუნა იქნება ეს, ქუჩის აქციები თუ სხვა აქტივობები უნდა იყოს მიმართული მთავარი მიზნის მისაღწევად, პირველ რიგში, მიხეილ სააკაშვილის თავისუფლება არის ყველაზე პრიორიტეტული საკითხი და ამის გამო ყველა მიმართულებით ვიმუშავებთ, რათა ეს ძალიან სწრაფად მოხდეს და, რა თქმა უნდა, ეს არის საბოლოო ჯამში ვადამდელი საპარლამენტო არჩევნების მიღება, სადაც ქართველი ხალხის ნება იქნება გამოხატული და დიდი კოალიციით შეიქმნება ახალი მმართველი მთავრობა ჩვენი ქვეყნის. მიხეილ სააკაშვილის თავისუფლება ჩვენთვის ერთ-ერთი ყველაზე მნიშვნელოვანი პრიორიტეტი იქნება, მათ შორის საპარლამენტო ტრიბუნის გამოყენებისას“, - აცხადებს კობა ნაყოფია.