პარტია „დროას“ ლიდერმა ელენე ხოშტარიამ ექსპრეზიდენტი მიხეილ სააკაშვილი რუსთავის მე-12 სასჯელაღსრულების დაწესებულებაში მოინახულა.
როგორც მან ჟურნალისტებთან განაცხადა, მიხეილ სააკაშვილს შიმშილობის კვალი ეტყობა და მისი უფლებები ირღვევა.

„მიხეილ სააკაშვილის უფლებების დარღვევა, ჩემი აზრით, მოსვენებას არ უნდა აძლევდეს არავის. წარმოუდგენელია, რომ მსგავსი კანონდარღვევები ხდებოდეს, ვის მიმართაც გინდა, მით უმეტე,ს პრეზიდენტის მიმართ და ამას ყველაფერს მშვიდად ეგუებოდე. ამიტომ, რეგულარულად მაქვს მასთან კომუნიკაცია. ახლა გამოვკითხე გორიდან გამოსვლის ეპიზოდზე, იმიტომ, რომ მას შემდეგ არ მქონია კომუნიკაცია.

ექიმი არ ვარ, მისი ჯანმრთელობის შესახებ ვისაუბრო, მაგრამ კვალი შიმშილობის თუ მოპყრობის, რომელშიც ის იმყოფებოდა და იმყოფება, რა თქმა უნდა, არის. ასევე, პრობლემები გრძელდება კვებასთან დაკავშირებით. ამაზე ალბათ ექიმებმა უფრო უკეთ უნდა ისაუბრონ, თუმცა სამწუხაროდ, აქაც მისი უფლებები ირღვევა და მათ არ აქვთ საშუალება კომუნიკაციის, ნახვის. რა თქმა უნდა, პოლიტიკურ საკითხებზეც ვისაუბრეთ აქაც და უკრაინაშიც“, - აცხადებს ელენე ხოშტარია.