ვაქსია ადამიანი?
“რიტორიკაში სწერია: ყველაფერი შესავლით უნდა დაიწყოს კაცმაო. ჭეშმარიტია. ჩვენც ისე უნდა დავიწყოთ”.
ზოგი ამბობს, ანტივაქსერებს თბილად უნდა მოვეპყროთო, ავუხსნათო, დავარწმუნოთო. ზოგიც ამბობს, მგლის თავზე სახარების კითხვას რა აზრი აქვს, მაგათ თავებში მაინც არაფერი შევაო. რომელია ნეტავ სიმართლე?:)) – ამის შესახებ მე-10 მოწვევის პარლამენტის დეპუტატი, ნაცმოძრაობის წევრი რომან გოცირიძე სოციალურ ქსელში წერს.

“როგორ ფიქრობთ, ლუარსაბ თათქარიძე და მისი ცოლი დარეჯანი ანტივაქსერები იქნებოდნენ თუ “ვაქსერები”? ილია ჭავჭავაძე ცოცხალი რომ იყოს, რას დაწერდა დღევანდელ ანტივაქსერებზე-აღმზრდელობით მუშაობას ჩაუტარებდა თუ მიწასთან გაასწორებდა? უფრო მეორე მგონია მისი ხასიათიდან გამომდინარე. თანამედროვე მოთხრობასაც ძველივით დაიწყებდა: “მოყვარეს პირში უძრახე, მტერს პირს უკანაო” და მერე ისეთს “უძრახავდა”, რომ ტელეეთერებში კი არა ქუჩაში რომ ვერ გამოყოფდნენ თავებსა 

წარმოგიდგენიათ, როგორი წასაკითხი იქნებოდა ილიასეული სატირა ანტივაქსერ პრემიერზე, კორონაჯადოს მკეთებელ მღვდლებზე, ქუჩების მრეცხავ მერზე, აუცრელ ხმოსნებზე მონადირე პოლიტიკოსებზე და “კაცზე, რომელიც კოლბაში ემალება ვირუსსა”?

სხვები არ ვიცი, მაგრამ ძველ “კაცია ადამიანში” ვინც ნამდვილად არ იქნებოდა ანტივაქსერი, ეს მკითხავია. ეგღა აკლდა, საკუთარი ფეხით საკუთარი თავის მოსატყუებლად მოსულ კლიენტებს კორონა აეკიდათ. სულაც ორჯერ დაიბუსტავდა თავს:))
ისე, ილია ცოცხალი რომ იყოს, წმინდა ილია მართლად რომ შერაცხეს, იმასაც გააპროტესტებდა და აცრის მიხედვითაც მსოფლიოში არავისზე ნაკლები არ ვიქნებოდით. არაა ცოცხალი და რა ვქნათ, ვის უნდა შევჩივლოთ, რუსთაველიც ხომ მკვდარია? ” წერს რომან გოცირიძე.