„ტაბულას“ დამფუძნებელი თამარ ჩერგოლეიშვილი მიხეილ სააკაშვილის Facebook-ზე გამოქვეყნებულ პოსტს გამოეხმაურა, სადაც ყოფილი პრეზიდენტი ეკონომიკური ხედვის ძირითად თეზისებზე წერს. მისი თქმით, სააკაშვილის ინფორმაციის გავრცელებაზე მონოპოლია აქვს დამყარებული. როგორც ჩერგოლეიშვილმა აღნიშნა, სააკაშვილმა ყველაფერი სცადა, „ტაბულას“ გასაქრობად, მაგრამ არ გამოუვიდა.

„სააკაშვილის „პროგრამა“ წავიკითხე. პოლიტიკაში მონოპოლიები უნდა აიკრძალოსო - ვისაც ბევრი ფული აქვს, პოლიტიკის დაფინანსება უნდა აეკრძალოსო. ახლა სააკაშვილი ოპოზიციაშია და ინფორმაციის გავრცელებაზე აქვს დამყარებული მონოპოლია. ამისთვის იყენებს ყველანაირ რესურსს, რაც დარჩა.

ყველას აქრობს მისი დაქვემდებარებული მედიების გარდა, რომ ხელოვნურად შეინარჩუნოს პირველობა და სხვა არავინ გაძლიერდეს.

მთელი ოპოზიციური ტელემედია მონოპოლიზებული აქვს, 2014 წლიდან (ტაბულა ვერ გააქრო, ყველაფერი სცადა) მისი კონტროლის მიღმა აქტორების გაქრობას ცდილობს, მისი მედიების გამოყენებით და მთავრობაში რომ მოვალ მონოპოლიებს ავკრძალავო. ცხვრის ფარა ჰგონია ხალხი“, - წერს ჩერგოლეიშვილი Facebook-ზე.