როგორც კი ხელმისაწვდომი იქნება ადაპტირებული ვაქცინა, პირობა გათვალისწინებულია, რომ ის საქართველომ მიიღოს, - ამის შესახებ ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ ჟურნალისტებს განუცხადა.

მისი თქმით, ვაქცინებთან დაკავშირებით მუშაობა მიმდინარეობს.

„ფაიზერთან“ ახალ ხელშეკრულებაზე კომუნიკაცია მიმდინარეობს. ვაქცინების მოწოდება პირველი კვარტლის ბოლოდან განახლდება. თუმცა, ჩვენ ადაპტირებული ვაქცინის მოლოდინი გვაქვს. როგორც კი იქნება ადაპტირებული ვაქცინა ხელმისაწვდომი, თუკი ჩაითვალა საჭიროდ, რომ ასეთი უნდა დამზადდეს, რა თქმა უნდა, ეს პირობაც გათვალისწინებულია, რომ საქართველომ მიიღოს ადაპტირებული ვაქცინა. ამ ეტაპზე არ შემიძლია ვადები დავაზუსტო, რადგან სამომავლოდ ეს რამდენიმე პირობაზეა დამოკიდებული“, - აცხადებს გაბუნია.