„ქართული ოცნების“ თავმჯდომარის, ირაკლი კობახიძის განცხადებით, უახლოეს პერიოდში მმართველი გუნდი, გიორგი გახარიასთან დაკავშირებით, ახალ დეტალებს გაასაჯაროებს.

მისივე თქმით, საზოგადოებამ სრული სიმართლე უნდა იცოდეს და ძალიან საინტერესო იქნება ინფორმაცია, რომლის თქმასაც აპირებს.

„დიდხანს არ მოუწევთ ლოდინი ამ დეტალებთან დაკავშირებით. რაც შეეხება ფაქტებსა და მტკიცებულებებს, ეს მათ თავად წარმოადგინეს, მტკიცებულებები თავად წარმოადგინეს. მათ შორის უკანასკნელი რამდენიმე კვირის განმავლობაში, როდესაც 4 მუნიციპალიტეტში შეკრეს ღია კოალიცია. ინფორმაცია პრემიერ-მინისტრობის პერიოდსაც შეიძლება ეხებოდეს, შს მინისტრობის დროსაც და 17-18 თებერვალსაც შეიძლება ეხებოდეს. გარკვეული უხერხულობა უნდა მოიხსნება და შემდეგ ვიტყვით ყველაფერს, - აღნიშნა ირაკლი კობახიძემ.