აშშ არ გამორიცხავს, რომ უკრაინაში რუსეთის შეჭრა უკვე დღეს შეიძლება დაიწყოს. ამის შესახებ აშშ-ის თავდაცვის დეპარტამენტის ოფიციალურმა წარმომადგენელმა განაცხადა.

„ჩვენ საკმაოდ დიდი ხანია ვამბობთ, რომ რუსეთის უკრაინაში შეჭრა ნებისმიერ დროს შეიძლება მოხდეს. დღევანდელი დღე ასეთი დღე შეიძლება იყოს. ვიმედოვნებთ, რომ ეს არ მოხდება და ამიტომ ვაგრძელებთ ყველა შესაძლო დიპლომატიური არხის გამოყენებას“, - აღნიშნა პენტაგონის ოფიციალურმა წარმომადგენელმა, ჯონ კირბიმ.