რუსეთის საგარეო საქმეთა სამინისტრო აშშ-ის მიერ დაწესებულ სანქციებს განცხადებით ეხმაურება.საგარეო უწყების თქმით, სანქციებს ძლიერი პასუხი გაეცემა.

მათი თქმით, რუსეთს ზიანის მინიმუმამდე შემცირება შეუძლია და ის გავლენას ვერ იქონიებს მათ გადაწყვეტილებაზე.

„აშშ-ის ადმინისტრაციის მიერ გამოცხადებული სანქციების პაკეტი, რომელიც გავლენას ახდენს ფინანსურ სექტორზე იმ პირთა სიის გაფართოებით, რომელთა მიმართ პერსონალური შეზღუდვებია დაწესებული, შეესაბამება ვაშინგტონის მუდმივ მცდელობებს შეცვალოს რუსეთის კურსი.

მიუხედავად იმისა, რომ წლების განმავლობაში ჩვენი ეკონომიკის განვითარების შეფერხების მიზნით გაწეული ძალისხმევის აშკარა უშედეგო იყო, შეერთებული შტატები კვლავ რეფლექსურად იყენებს შემაკავებელ ინსტრუმენტებს, რომლებიც არაეფექტური და კონტრპროდუქტიულია ამერიკული ინტერესების თვალსაზრისით.

რუსეთმა დაამტკიცა, რომ სანქციების ყველა ხარჯით, შეუძლია ზიანის მინიმუმამდე შემცირება. და კიდევ უფრო მეტიც, სანქციების ზეწოლას არ შეუძლია გავლენა მოახდინოს ჩვენს გადაწყვეტილებაზე, მტკიცედ დავიცვათ ჩვენი ინტერესები.

ჩვენ ღია ვართ დიპლომატიის მიმართ, რომელიც დაფუძნებულია ურთიერთპატივისცემის, თანასწორობისა და ერთმანეთის ინტერესების გათვალისწინების პრინციპებზე.

ეჭვგარეშეა, რომ სანქციებს გაეცემა ძლიერი პასუხი, არა აუცილებლად სიმეტრიული, მაგრამ გაზომილი და მგრძნობიარე ამერიკული მხარისთვის“, - ნათქვამია საგარეო საქმეთა სამინისტროს მიერ გავრცელებულ განცხადებაში.