“ოცნება” ხვალ პრეზიდენტის ჩანიშნულ რიგგარეშე სხდომის ქვორუმის არ შექმნით ჩაშლას აპირებს – ამის შესახებ “ლელოს” დეპუტატი ხათუნა სამნიძე სოციალურ ქსელში წერს.

“ოცნება” ხვალ პრეზიდენტის ჩანიშნულ რიგგარეშე სხდომის ქვორუმის არ შექმნით ჩაშლას აპირებს, ასეთი შთაბეჭდილება გვაქვს სპიკერთან შეხვედრის შემდეგ ოპოზიციას, რომელსაც მხარდაჭერის განცხადების შესათანხმებლად შევხვდით.
ასეთი მშიშარა, არაადეკვატური, უაზრო, არასახელმწიფოებრივი ხელისუფლება არასდროს არ ჰყოლია ამ ქვეყანას.” – წერს ხათუნა სამნიძე.

25 თებერვალს, 12: 00 საათზე პარლამენტის რიგგარეშე სხდომა დაინიშნა.

სხდომა მოწვეულია პრეზიდენტის განკარგულებით, რომელსაც შესაბამისი მოთხოვნით საპარლამენტო ოპოზიციამ მიმართა.

საპარლამენტო ოპოზიციის მიერ გაგზავილი მოთხოვნის გათვალისწინებით რიგგარეშე სხდომა მოწვეულია შემდეგი დღის წესრიგით:

1.პრემიერ – მინისტრის მოსმენა უკრაინაში დაწყებული ომის, არსებული გეოპოლიტიკური ვითარებისა და საქართველოს პოზიციონირების შესახებ;

2.საქართველოს პარლამენტის მიერ უკრაინაში მიმდინარე რუსეთის სამხედრო აგრესიის დაგმობის, ქმედითი დახმარების აღმოჩენის, მათ შორის ჰუმანიტარული, ასევე უკრაინის თავისუფლების, სუვერენიტეტისა და ტერიტორიული მთლიანობის მხარდასაჭერად.