უკრაინის ვიცე-პრემიერმა ირინა ვერეშუკმა მოუწოდა წითელი ჯვრის საერთაშორისო კომიტეტს, რომ უკრაინიდან რუსი სამხედროების ცხედრები გაიტანოს. ამის შესახებ ვერეშუკმა პრესკონფერენციაზე განაცხადა. „მივმართავთ წითელი ჯვრის საერთაშორისო კომიტეტს, რომ მან რუსი სამხედროების ცხედრების რუსეთის ფედერაციაში გადაიტანოს. ეს არის ჰუმანიტარული თხოვნა და საუბარია ათასობით ცხედარზე. გაიტანეთ ოკუპანტების ცხედრები უკრაინის ტერიტორიიდან. რუსეთმა უნდა იცოდეს რამდენი ოკუპანტის ცხედარი არის დღეს უკრაინის ტერიტორიაზე. წითელ ჯვარს მივმართავთ, რომ გადაწყვიტოს ეს ჰუმანიტარული საკითხი. მოვუწოდებ რუსეთის ფედერაციას, შეწყვიტეთ აგრესია უკრაინის წინააღმდეგ, ჩვენ გავიმარჯვებთ!“ - განაცხადა ვერეშუკმა.