რუსული დიპლომატიური თვითმფრინავი ილ-96, რომელიც 5 მარტს, დილის საათებში სანკტ-პეტერბურგიდან ვაშინგტონში გაფრინდა, ამერიკიდან დიპლომატებსა და მათი ოჯახების წევრებს ქვეყანაში დააბრუნებს. ამის შესახებ ინფორმაციას NV.UA ავრცელებს.როგორც უკრაინის საგარეო საქმეთა მინისტრის მოადგილემ ემინა ჯაპაროვამ განაცხადა, წინასწარი ინფორმაციით, თვითმფრინავი აშშ-დან 12 რუს დიპლომატსა და მათი ოჯახის წევრებს სამშობლოში დააბრუნებს. ასევე, ევაკუაციის მიზნით ილ-96-ის აფრენის შესახებ ინფორმაცია დაადასტურეს სამართალდამცველმა ორგანოებმაც.

ჯაპაროვას თქმით, „თვითმფრინავი ნიუ-იორკში ორ საათზე მეტ ხანს ვერ გაჩერდება. ამიტომ მიფრინავს ვაშინგტონში, შემდეგ აიყვანს დიპლომატებს ნიუ-იორკიდან და დაბრუნდება მოსკოვში.

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, რომ სამთავრობო თვითმფრინავი ქვეყანაში „აბრუნებს დიპლომატებს, რომლებიც აშშ-ის მთავრობამ პერსონა ნონ-გრანტებად გამოაცხადა.