დიახ, რუსეთის არმიას ვიგერიებდით იმით, რითაც შეგვეძლო – ნუ ხართ ისტერიკაში! – ასე მიმართავს “ნაციონალური მოძრაობის” ერთ-ერთი ლიდერი ლევან ხაბეიშვილი ფრაქცია “ქართული ოცნების” თავმჯდომარეს მამუკა მდინარაძეს.

“მინდა მდინარაძის ისტერიკას გამოვეხმაურო თქვენს ეთერში. ჯერ პარლამენტში ამოხტა შარვლიდან მაშინ, როცა უკრაინამ ელჩი გაიწვია და მჯიღებს იცემდა, რომ თურმე ჩვენ დავბომბეთ კასეტური ბომბებით ცხინვალი. ესეც რუსული პროპაგანდაა, ცდილობენ მოსახლეობას ჩაუდონ, რომ კასეტური ბომბა ვისროლეთ, თან ცხინვალში. ეს ყველამ იცის და მათ შორის ეთნიკურ წმენდასთან დაკავშირებით წერია, რომ რუსეთი ახორციელებდა ეთნიკურ წმენდას.

მიმდა მივმართო საქართველოს მოსახლეობას და მდინარაძეს, რომელიც ისტერიკაშია. როგორ ესროლეთ კასეტური ბომბიო, უკაცრავად და რუსეთის 58-ე ბატალიონი, რომელიც შემოსული იყო საქართველოში და ანადგურებდა, აბა რა უნდა გვესროლა, ვარდი? უკრაინა, როგორ ესვრის ჯაველინს? – დიახ, რუსეთის არმიას ვიგერიებდით იმით, რისი შესაძლებლობაც გვქონდა. ბატონო მამუკა ნუ ხართ ისტერიკაში და ნუ ბოდავთ სისულელეებს, თქვენს ადგილას ელჩებს გავგზავნიდი დასავლეთში და მოვითხოვდი უკრაინის ცის დაკეტვას, ამაზე უნდა მუშაობდეთ. ყველა დიპლომატიური საშუალებით უნდა ეხმარებოდეთ უკრაინას! ვესროდით და ბოდიში, რომ თქვენსავით რუსეთის დროშით არ დავხვდებით აქ,” – განაცხადა ლევან ხაბეიშვილმა “მთავარი არხის” ეთერში.