უკრაინულმა არმიამ ჩერნიგოვის ოლქში ორი დასახლება გაათავისუფლა, - ამის შესახებ უკრაინის „ჩრდილოეთის“ ოპერატიული სარდლობა იუწყება. უკრაინელები აღნიშნავენ, რომ რუსული ჯარი დემორალიზებულია.

„სამხედროებმა მოახერხეს კიდევ ორი ​​დასახლების გათავისუფლება და მტერს ჩერნიგოვის მხრიდან კიევისკენ წინსვლის გზა მოუჭრეს. რუსეთის ფედერაციის არმია აღარ არის ისეთი ძლიერი, როგორც ამის შესახებ კრემლის პროპაგანდისტებმა ტელევიზიით თქვეს. პერსონალი დემორალიზებულია და აქტიურ საბრძოლო მოქმედებებს ვერ აწარმოებს“, - აღნიშნულია განცხადებაში.