რუსეთის პრეზიდენტის ვლადიმერ პუტინის უფროსი შვილი, 36 წლის მარია ვორონცოვა ქმარს, ჰოლანდიელ ბიზნესმენ ჟორიტ ფაასენს შორდება. ცნობილი გახდა, რომ მისი ქორწინების დასრულება, სხვა მიზეზებთან ერთად უკავშირდება რუსეთის წინააღმდეგ დაწესებულ სანქციებს. ამის შესახებ daily mail რუს ჟურნალისტზე დაყრდნობით წერს.
აღნიშნულია, რომ ვორონცოვა და მისი მეუღლე გეგმავდნენ სანქტ-პეტერბურგის მახლობლად მდიდარი უცხოელებისთვის ფეშენებელური სამედიცინო ცენტრის გახსნას, მაგრამ სანქციების გამო მათი გეგმები განუხორციელებელი დარჩა.

მარია ვორონცოვა არის ბავშვებში იშვიათი გენეტიკური დაავადებების ექსპერტი, ასევე, რუსეთის ჯანდაცვის სამინისტროს ენდოკრინოლოგიის ეროვნული სამედიცინო კვლევითი ცენტრის წამყვანი მკვლევარი.