თანამედროვე ორთოპედიულ პროდუქტებს ადამიანები ყოველდღიურად იყენებენ. მათი დანიშნულება მრავალგვარია - იქნება ეს რომელიმე დაავადების პრევენცია, რეაბილიტაციის პერიოდის ხელშეწყობა თუ მკურნალობის პროცესის დაჩქარება. ამ პროდუქციას მიეკუთვნება ფიქსატორები, ვარიკოზის მოვლის საშუალებები, წელის ქამრები, ორთოპედიული ბალიშები და სუპინატორები. განვიხილოთ, კონკრეტულად რაში გვეხმარება თითოეული მათგანი:
● ორთოპედიული ფიქსატორები - ეს პროდუქტი სახსრის მოძრაობას ნაწილობრივ ან სრულად ზღუდავს. გამოიყენება მოტეხილობის, ამოვარდნილობის, ნერვული ქსოვილის დაზიანებისა და სხვადასხვა ტრავმის დროს. ეფექტურია მისი ტარება ღრძობის და კუნთის დაჭიმვის შემთხვევაშიც.
● ვარიკოზის მოვლის საშუალებები - გამოიყენება ვენების ვარიკოზული დაავადების გავრცელების პრევენციისა და მკურნალობისთვის. კომპრესიული წინდა აჩქარებს კიდურებიდან სისხლის განდევნას, ხსნის შეშუპებას, დაღლილობისა და სიმძიმის შეგრძნებას.
● წელის კორსეტები და ქამრები - პაციენტები მათ ხერხემლის პათოლოგიების, რადიკულიტის, ოსტეოართრიტისა და სხვადასხვა დაავადების დროს ატარებენ. გარდა ამისა, კორსეტის გამოყენება ეფექტურია ყოველდღიურ ცხოვრებაშიც, რადგან ის ამსუბუქებს წელისა და ზურგის ტკივილს.
● სუპინატორები - ფეხსაცმელში კომფორტულად თავსდება და ტერფს სწორ მდგომარეობაში აფიქსირებს. მისი გამოყენება ეფექტურია როგორც ბრტყელტერფიანობის, მაღალი თაღისა და ძვალ-სახსროვანი სისტემის სხვადასხვა დაავადების, ისე სპორტული აქტივობებისა და მძიმე ფიზიკური დატვირთვის დროს. სუპინატორებს ასევე აქტიურად ატარებენ ორსულები, რაც მათ ტერფზე წონის თანაბრად გადანაწილებასა და კომფორტულ გადაადგილებაში ეხმარებათ.
● ორთოპედიული ბალიშები - გვიხსნის დისკომფორტს და სხვადასხვა მდგომარეობაში - მგზავრობის, წოლისა თუ დიდხანს ერთ ადგილას ჯდომის დროს გვეხმარება სხეულის სწორ პოზიციონირებაში.

ორთოპედიული პროდუქტების შესახებ მეტი ინფორმაციის მისაღებად ეწვიეთ სამედიცინო პორტალს: Infomedical.ge