სამგორის რაიონის გამგებელმა კახა სამხარაძემ გუშინ რუსთაველის გამზირზე შეკრებილ მოქალაქეებთან დაკავშირებით გაკეთებული საკუთარი განცხადება განმარტა და თქვა, რომ მან პოსტი Facebook-ზე მხოლოდ მეგობრებისთვის დაწერა, მას არავისთვის შეურაცხყოფა არ მიუყენებია და თუკი ვინმემ ასე მიიჩნია, ის ახსნა-განმარტებისთვის მზად არის.

„ვინც ჩათვალა, რომ მე მას შეურაცხყოფა მივაყენე, დიდი სიამოვნებით შევხვდები და დაველაპარაკები. თუ ის კვლავ ჩათვლის შეურაცხყოფილად თავს, მე მას ბოდიშს მოვუხდი. ამ ქვეყნის ჩვეულებრივი მოქალაქე ვარ - როცა სამსახურში ვარ, საჯარო მოხელე ვარ; როცა სამსახურში არ ვარ - საჯარო მოხელე არ ვარ. ჩავთვალე, რომ Facebook-ჯგუფი იყო დახურული. როცა ვნახე, რომ ეს საზოგადოებაზე გავიდა, რაც ჩემთვის მოულოდნელი იყო, ამიტომაც წავშალე“, - განაცხადა კახა სამხარაძემ.