ამის შესახებ “ნაციონალური მოძრაობის” წევრი რომან გოცირიძე სოციალურ ქსელიში წერს:

რუსეთმა უკვე ორმოცდაათამდე გაზარდა არამეგობრული ქვეყნების სია. ჰიბრალტარი და პატარა კუნძულ-სახელმწიფოებიც კი დაამატა. საქართველო კვლავ რუსეთის მეგობარი ქვეყნის სტატუსს ინარჩუნებს.

რუსული ტაქტიკა ნათელია, ბერიასავით იქცევა. თურმე, კონსტანტინე გამსახურდია აივლიდა და ჩაივლიდა რუსთაველზე, მთავრობის სასახლის წინ, ეროვნულ სამოსში გამოწყობილი, ხანჯლითა და ფოფოხი ქუდით, რა თქმა უნდა, აი, მისი ძეგლია რომაა ვაკეში, დაახლოებით ამ ფორმაში. შეუთვლია ბერიას, რამდენიც არ უნდა იარო, მაინც არ დაგიჭერ, არ გაგხდი ეროვნულ გმირადო. რამდენიც არ უნდა “იაროთ” მაინც არ გაღირსებთ ამ საპატიო სიაში მოხვედრასო, ასე ჩანს რუსეთის პოზიციაც, რომელიც, რა თქმა უნდა, ჰიბრიდული ომის ნაწილია და დასავლეთთან განხეთქილების გაღრმავებას ემსახურება. მაგრამ ესენიც რომ არც “დადიან” და არც ლაპარაკობენ, ანუ “უკადრებელს არ კადრულობენ” ოკუპანტი ქვეყნის მისამართით? პირიქით, უხვად ამარაგებენ რუსეთს დეფიციტური სანქცირებული საქონლით ჩვენი ქვეყნის გავლით. ამ სიაში რომ არ ვართ, ერთ-ერთი მიზეზი ესეცაა-სამი ათასი მანქანა რომ დგას ლარსის მისადგომებთან, გამზადებული რუსეთში შესასვლელად და არავინ რომ იცის წესიერად, რა ტვირთია მასში, მეგობარი ხარ, აბა რა.

ipress.ge