ველოდებით ექიმების ჩამოსვლას. ახლა ის პროცესი გვაქვს, რომ ექიმებმა მიიღონ ლიცენზია აქ, - ამის შესახებ ყოფილი პრეზიდენტის, მიხეილ სააკაშვილის დედამ, გიული ალასანიამ კლინიკა „ვივამედიში“ სააკაშვილის მონახულების შემდეგ, ჟურნალისტებს განუცხადა.

მისი თქმით, მიხეილ სააკაშვილს ახლა გადასხმა უკეთდება.

„როგორც ჩანს, „კალიუმია“ დაქვეითებული და მთელი ის პერიოდი, რაც მას გვერდით ვეჯექი, გადასხმა გრძელდებოდა. სხვა მხრივ, ველოდებით ექიმების ჩამოსვლას. ახლა ის პროცესი გვაქვს, რომ ექიმებმა მიიღონ ლიცენზია აქ, მათი საბუთები ახლა არის სამინისტროში. არდადეგების პერიოდია და ალბათ, რაღაცნაირად გაუკეთებენ ორგანიზებას“, - განაცხადა გიული ალასანიამ.