Groupauto Caucasus-ის 2022 წლის კონფერენციის მონაწილეები ავტოინდუსტრიის უახლეს ტენდენციებს განიხილავენ და პარტნიორობის ფარგლებში ახალ ბიზნესშესაძლებლობებზე მსჯელობენ.
„მოხარული ვართ, რომ პანდემიის შემდეგ შესაძლებლობა მოგვეცა, კვლავ გვემასპინძლა Groupauto Caucasus-ის კონფერენციისათვის. თეგეტა, როგორც ლიდერი კომპანია, 27 წელია, რაც რეგიონში ავტოინდუსტრიის განვითარებაზე ზრუნავს. გვჯერა, რომ მსგავსი შეხვედრები ამაში კიდევ უფრო დაგვეხმარება და მოგვცემს საშუალებას, მსოფლიოს წამყვან ბრენდებთან მჭიდრო პარტნიორული ურთიერთობები გავამყაროთ. მნიშვნელოვანია, რომ საქართველომ მსგავს შეხვედრებს უმასპინძლოს, რაც ვფიქრობ, ხელს შეუწყობს ავტოინდუსტრიის მსოფლიო ბაზარზე ჩვენი ქვეყნის კიდევ უფრო წარმოჩენას“, – დიმიტრი გოზალიშვილი, „თეგეტა ჰოლდინგის“ ბიზნესის განვითარების დირექტორი.
„ბედნიერი ვარ საქართველოში და ზოგადად, კავკასიის რეგიონში ყოფნით, სადაც ჩვენი ოფიციალური წარმომადგენელი თეგეტაა. ჩვენ გვსურს აქ ბიზნესის გაძლიერება. მნიშვნელოვანია, რომ ზაფხულის კონფერენციას თეგეტასთან და ბრენდების სხვა წარმომადგენლებთან ერთად ვესწრები. მჯერა ამ ბაზრის განვითარების და ჩვენი ბიზნესმოდელის. მუდმივად ვუჭერთ მხარს თეგეტასა და ჩვენი წევრების განვითარებას დიგიტალიზაციისა და მწვანე გამოწვევების მიმართულებით. მნიშვნელოვანია, ვიფიქროთ ავტოინდუსტრიის ბაზრის ცვლილებაზეც, რადგან ელექტრიფიცირების პირობებში ეს გარდაუვალია. თეგეტასთან გვაქვს კონკრეტული მოვალეობები, შეიქმნა ახალი კომერციული პროდუქტები და ტრენინგები და გვინდა, ეს ყველაფერი კიდევ უფრო გავაძლიეროთ. ვამაყობ, რომ თეგეტა ჩვენი ბიზნესის ნაწილია“, - ჰოლგერ ჰელმიხი, Groupauto International-ის დირექტორი.
ოფიციალური შეხვედრის შემდეგ კონფერენციის მონაწილეებმა „თეგეტას“ სათაო ოფისი, შოურუმი და სერვისცენტრიც დაათვალიერეს.
Groupauto International ერთ-ერთი უმსხვილესი სადისტრიბუციო ქსელია მსოფლიოში, რომელიც მსოფლიოს წამყვანი 50-მდე ბრენდის მიერ წარმოებული მსუბუქი და სატვირთო ავტომობილების, ასევე კომერციული დანიშნულების ტრანსპორტის სათადარიგო ნაწილების იმპორტს უზრუნველყოფს ხუთ კონტინენტზე, მსოფლიოს 70 ქვეყანაში. Groupauto International აერთიანებს მსოფლიოს მასშტაბით 1 500-ზე მეტ დისტრიბუტორს, 7 500-მდე სერვისცენტრს და ისეთ წამყვან საერთაშორისო ბრენდებს, როგორებიცაა: Shell, Bosch, Mobil, ZF, Continental, Philips, Osram, Exide, Clarios და სხვა. Groupauto International-ის მთავარი მიზანია ავტოინდუსტრიის წამყვანი ბრენდების გაერთიანება და მათი ადგილობრივ კომპანიებთან დაკავშირება.
„თეგეტა ჰოლდინგი“ 2012 წლიდან რეგიონში Groupauto International-ის წარმომადგენლის, Groupauto Caucasus-ის წევრია. Groupauto Caucasus-ის მთავარი მიზანია, დანერგოს და განავითაროს თანამედროვე სერვისები რეგიონში, ხელმისაწვდომი გახადოს სერვისის მართვის თანამედროვე ტექნოლოგიები და ლიცენზირებული პროდუქცია.
„თეგეტა ჰოლდინგის“ შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 29 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს: Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. „თეგეტა ჰოლდინგი“, 2500-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.
