ამის შესახებ “ტვ პირველთან” გედევან ფოფხაძემ განაცხადა:

“არის ორი პირობა, რომელზეც ოპოზიცია უნდა შეთანხმდეს. ეს არის: 1. რომ ქვეყანაში არის ავტორიტარიზმი და 2. რომ ეს ავტორიტარიზმი არის პრორუსული. თუ ოპოზიცია ამ ორ მოცემულობაზე თანხმდება, მათი ქცევა სხვანაირი მორალური სტანდარტით განისაზღვრება. თუ ამაზე ვერ თანხმდება, დაიწყება იმაზე საუბარი თუ როგორი უნდა იყოს თვითმართველობა, ვინ გვინდა იყოს სახალხო დამცველი, გვინდა თუ არა ესა თუ ის მოსამართლე დაინიშნოს სასამართლოში, მაგრამ მთლიანობაში ეს ყველაფერი იქნება ივანიშვილის კონტროლის ქვეშ, ავტორიტარიზმი იქნება შემდგარი მოცემულობა და პუტინს აქ ეყოლება თავისი საყრდენი ხელისუფლება. და შენ აწარმოო მოლაპარაკებები ხელისუფლებასთან, რომელსაც ნიკა გვარამია ციხეში ჰყავს, რომელსაც მთელი სასამართლო სიატემა ჰყავს ჯიბეში ჩადებული, რომელმაც შექმნა თავისი სატელოტური ჯგუფი, ამ სატელიტური ჯგუფის მეშვეობით შეურაცხყოფას აყენებს ამერიკის ელჩს და შენ ჯდები და ასეთ ხელისფლებასთან ცდილობ რაღაცა ცალკეულ თემებზე მოელაპარაკო, მე მგონია ეს არის საერთო დღის წესრიგიდან აცდენა”, – განაცხადა ფოფხაძემ.

ipress.ge