"ქართული ოცნებისთვის" თბილისი ნამდვილად არის მშვიდობის ქალაქი - ფულის მშვიდად მოპარვის, საქმის მშვიდად გაფუჭების და ჩაფარცხვის ქალაქი - ასე ეხმიანება საკრებულოს წევრი, ფრაქცია „ლელო – პარტნიორობა თბილისისთვის“ თავმჯდომარე, საბა ბუაძე, თბილისის მერიის საახალწლო სლოგანს - "მშვიდობის ქალაქი".

"დიახ "ქართული ოცნებისთვის" თბილისი არის მშვიდობის ქალაქი, ფულის მშვიდად მოპარვის ქალაქი, საქმის მშვიდად გაფუჭების და ჩაფარცხვის ქალაქი. ისინი მშვიდად ასამარებენ ამ ქალაქს და ამ ქვეყნის ხვალინდელ დღეს. ამიტომ, თვითონ შეიძლება მშვიდად არიან, მაგრამ მაშინ როცა თბილისიდან 20 კილომეტრში დგას საოკუპაციო ჯარები, ჩვენს ოკუპირებულ ტერიტორიაზე, არ შეიძლება ვლაპარაკობდეთ მშვიდობაზე, ეს არის ტყუილი და მავნებლობა, რომ ამ ქვეყანაში არის მშვიდობა და თუ მათი სტანდარტი არის მარიუპოლთან შედარება, კი ბატონო. მარიუპოლთან შედარებით ნამდვილად თბილისში ბომბები არ ცვივა. თუ ამ დონემდე მივედით, რომ მეგობარ სახელმწიფოს, ხალხს ვახსენებთ, რომ თქვენთან ომია და ჩვენთან არა, ეს არის წარმოუდგენელი მასშტაბის უსინდისობა და უმდაბლესი პოლიტიკური კულტურის გამოხატულება"- აღნიშნა საბა ბუაძემ "მთავარის" ეთერში.