სპეციალური საგამოძიებო სამსახური უკვე მერამდენეჯერ ცდილობს სააკაშვილს ჩაუტაროს ექსპერტიზა. ამაზე უარის თქმის მიზეზი და მიზანი ნათელია, გამომდინარე იქიდან, რომ რა თქმა უნდა, არავითარი მოწამვლა მის ორგანიზმში არ მომხდარა, - ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა.

„რაც არ უნდა ეცადოს მისი ოჯახი - შვილი თუ დედა, რომ მიხეილ სააკაშვილი პოლიტიკას განარიდოს, მას ეს მარტივად არ გამოსდის, რადგან მთელი რიგი ძალები, პირველ რიგში რადიკალური ოპოზიცია ქვეყნის შიგნით და გარკვეულ ძალები უცხოეთში, დაინტერესებული არიან, რომ ბოლომდე იყოს გამოყენებული საქართველოსთვის არასასურველ კონტექსტში სააკაშვილის ფიგურა“, - განაცხადა ქადაგიშვილმა.