მოვუწოდებ, ჩემს ყველა სტუდენტს, მოვიდნენ და გამოგვიცხადონ მხარდაჭერა…დიდი ბრძოლა გვაქვს პარლამენტში, – აღნიშნულის შესახებ ოპოზიციონერმა დეპუტატმა თამარ კორძაიამ „ტვ პირველის” ეთერში განაცხადა.

„მინდა მივმართო ჩემს სტუდენტებს: ორშაბათს მაქვს პირველ საათზე ლექცია, მე ვერ მოვალ და ვერ ჩავატარებ ლექციას. არასოდეს ეს არ მომიწოდებია, მაგრამ თუ გინდათ, რომ გქონდეთ სახელმწიფო და არ დავკარგოთ დამოუკიდებლობა, გაცილებით დიდი ბრძოლა გვაქვს პარლამენტში.

მოვუწოდებ, ჩემს ყველა სტუდენტს, რომელსაც ლექციაზე მოუსმენია ჩემთვის და მათთან მე პოლიტიკაზე არასდროს მისაუბრია, მოვიდნენ და გამოგვიცხადონ მხარდაჭერა, შევინარჩუნოთ დამოუკიდებელი და დემოკრატიული სახელმწიფო.

არ ვართ საკმარისი, რომ ამ მონსტრს მოვერიოთ. ჩვენ მხარდაჭერა გვჭირდება. მივმართავ მშობლებს, რომლებიც შვილებისთვის ტანსაცმელს ყიდულობთ. რუსულ პროდუქციას ხომ არ უყიდით თქვენს შვილებს. დადგება დრო და ეს არხები გადაიკეტება. ეს კანონი, როგორც კენჭს შუშაზე რომ დააგდებ და იფშვნება მერე ყველაფერი ისეა. დაგვიჭირეთ მხარი. ერთადერთი რისიც ეშინიათ, ეს მოქალაქეებია. თქვენთან ერთად ჩვენ მათ მოვერევით!”, – აცხადებს თამარ კორძაია.