განათლება
პირველად, საქართველოს განათლების სისტემაში, სხვადასხვა უწყებებთან მჭიდრო თანამშრომლობის შედეგად, შეიქმნა „სკოლის მიღმა დარჩენილი მოზარდების იდენტიფიცირების მონიტორინგის სახელმწიფო პროგრამა“.

პროგრამის ფარგლებში, გამოვლინდა 6-დან 16 წლამდე 10 404 მოზარდი (შესაბამისი ასაკის მოსახლეობის 1,7%), რომლებსაც არ აქვთ საგანმანათლებლო ისტორია და არ არიან განათლების მართვის საინფორმაციო სისტემის მოსწავლეთა ბაზაში.

აღსანიშნავია, რომ ჩვენს ქვეყანაში განათლების მიღმა დარჩენილი ბავშვების შესახებ სრული მონაცემები აქამდე არ არსებობდა, ასევე არ არსებობდა რაიმე გეგმა ან მექანიზმი საგანმანათლებლო გარემოში მათ დასაბრუნებლად.
13:08 / 15.03.2021
 
საქართველოს განათლების, მეცნიერების, კულტურისა და სპორტის სამინისტრო სასწავლო დაწესებულებებში მონიტორინგს აგრძელებს.

განათლების სამინისტროს ცნობით, მინისტრის მოადგილე თამარ ქიტიაშვილი ამჯერად რუსთავის პროფესიულ კოლეჯ "მოდუსს" ეწვია და ვირუსის გავრცელების პრევენციის მიზნით განხორციელებულ სამუშაოებს პირადად გაეცნო. მინისტრის მოადგილესთან ერთად კოლეჯში იმყოფებოდა ქალაქ რუსთავის მერი ირაკლი ტაბაღუა.

"მოდუსში" სასწავლო პროცესი პირველი მარტიდან რამდენიმე ეტაპად განახლდა: სხვადასხვა პროფესიულ პროგრამაზე შედეგების დადასტურების პროცესი მიმდინარეობს, განახლდა სწავლა მოკლევადიან სასერტიფიკატო კურსებზე, მალე კი სასწავლო პროცესი ყველა პროფესიულ პროგრამაზე ჯანდაცვის სამინისტროს მიერ შემუშავებული რეკომენდაციების სრული დაცვით განახლდება.
10:12 / 05.03.2021
 
შეფასებისა და გამოცდების ეროვნული ცენტრის (NAEC) დირექტორმა, სოფიო გორგოძემ და აზერბაიჯანის რესპუბლიკის სახელმწიფო გამოცდების ცენტრის (SEC) თავმჯდომარემ, მალეიკა აბასზადემ კიდევ ერთ ურთიერთშეთანხმების მემორანდუმს ელექტრონულად, ზუმის პლატფორმის საშუალებით მოაწერეს ხელი.

შეფასებისა და გამოცდების ეროვნული ცენტრის ცნობით, თანამშრომლობის მიზანი აზერბაიჯანული და ქართული ენების კომპეტენციის შეფასების ინსტრუმენტების შემუშავებაა. ცენტრებს შორის თანამშრომლობა 2020 წლის გაზაფხულზე დაიწყო და 2021 წელს კიდევ ერთი წლით გახანგრძლივდა.
16:55 / 26.02.2021
 
შეფასებისა და გამოცდების ეროვნულმა ცენტრმა გამოაქვეყნა 2021 წლის ელექტრონული კრებული - "ცნობარი აბიტურიენტებისათვის" გამოაქვეყნა.

ცნობარში მოცემულია ცხრილი, რომელშიც ასახულია უმაღლესი საგანმანათლებლო დაწესებულებების მონაცემები, თითოეული გამოცდისათვის მინიჭებული კოეფიციენტები, კომპეტენციის ზღვარი, სწავლის საფასური და სხვა დეტალები.

ცნობარში ასევე მითითებულია გამოცდებთან დაკავშირებული შემდეგი ინფორმაცია: სიახლეები, რეგისტრაციის ინსტრუქცია, ინფორმაცია საგანმანათლებლო პროგრამების არჩევის, საგამოცდო პროცესის, შედეგების გამოქვეყნების, აპელაციის პროცედურის, ჩარიცხვისა და სახელმწიფო სასწავლო გრანტის მოპოვების წესის შესახებ.

ცნობარის ნახვა შეგიძლიათ ამ ბმულზე.
13:47 / 26.02.2021
 

საქართველოს განათლების, მეცნიერების, კულტურისა და სპორტის მინისტრის მოადგილე ნუნუ მიცკევიჩმა, შრომის პირობების ინსპექტირების დეპარტამენტის უფროს ბექა ფერაძესთან ერთად, საქართველოს სახელმწიფო და კერძო უნივერსიტეტების წარმომადგენლებთან შეხვედრა გამართა და მათ უწყებათაშორისი საბჭოს გადაწყვეტილებები პირადად გააცნო.

ნუნუ მიცკევიჩმა აღნიშნა, რომ უმაღლესი საგანმანათლებლო დაწესებულებების საქმიანობის აღდგენა ორ ეტაპად მოხდება. კერძოდ, პირველი მარტიდან უნივერსიტეტებს კლინიკური, პრაქტიკული, ლაბორატორიული კომპონენტებისა და გამოცდების არადისტანციურ ფორმატში ჩატარების შესაძლებლობა მიეცემა. რაც შეეხება მეორე ეტაპს, 15 მარტიდან უმაღლეს საგანმანათლებლო დაწესებულებებს საშუალება ექნებათ, სრულად აღადგინონ საქმიანობა და სასწავლო პროცესი აუდიტორიებში განაახლონ.

10:32 / 26.02.2021
 
საქართველოს განათლების, მეცნიერების, კულტურისა და სპორტის მინისტრის პირველმა მოადგილემ ეკატერინე დგებუაძემ და საგანმანათლებლო დაწესებულების მანდატურის სამსახურის უფროსმა გელა გელაძემ დიდუბის რაიონის №10, № 22, №116 და №166 საჯარო სკოლები მოინახულეს და მიმდინარე სასწავლო პროცესს ადგილზე გაეცნენ.

ეკატერინე დგებუაძემ მოსწავლეებსა და მასწავლებლებს სკოლებში დაბრუნება მიულოცა და სასწავლო პროცესის ბუნებრივ, სასკოლო გარემოში წარმატებით გაგრძელება უსურვა. მინისტრის პირველმა მოადგილემ მადლობა გადაუხადა სკოლის ადმინისტრაციას პანდემიის პირობებში ახალ რეალობასთან უმოკლეს დროში ადაპტაციისთვის და აღნიშნა, რომ საქართველოს ზოგადსაგანმანათლებლო დაწესებულებებმა ღირსეულად გაართვეს თავი მათ წინაშე არსებულ გამოწვევებს.
12:11 / 19.02.2021
 
საქართველოს 13 ქალაქიდან მოსწავლეთა 12%-მა გამოთქვა სურვილი, რომ სწავლა დისტანციურ რეჟიმში განაგრძოს, - ამის შესახებ საქართველოს განათლების, მეცნიერების, კულტურისა და სპორტის მინისტრის პირველმა მოადგილემ, ეკატერინე დგებუაძემ სამინისტროში გამართულ ბრიფინგზე განაცხადა.

მისივე განცხადებით, მშობლებს გადაწყვეტილების შეცვლა ყოველ ორშაბათს შეუძლიათ.
11:30 / 12.02.2021
 

15 თებერვლიდან საქართველოს მთელ ტერიტორიაზე, მათ შორის, თბილისში, რუსთავსა და ქუთაისში, სასწავლო პროცესის საკლასო ოთახებში გაგრძელებასთან დაკავშირებით საქართველოს განათლების, მეცნიერების, კულტურისა და სპორტის სამინისტრომ სკოლებისთვის რეკომენდაციები განაახლა.
აღნიშნული რეკომენდაციები, ჯანდაცვის სამინისტროს მიერ დადგენილ შესაბამის რეგულაციებთან ერთად, სამინისტრომ ქვეყნის მასშტაბით, ყველა ზოგადსაგანმანათლებლო დაწესებულების ადმინისტრაციას მიაწოდა. თავის მხრივ, სკოლები მოკლე ტექსტური შეტყობინებისა და ელექტრონული ფოსტის მეშვეობით უზრუნველყოფენ მოსწავლეთა მშობლების ინფორმირებას. ამ გზით ყველა მხარეს ექნება ინფორმაცია იმის თაობაზე, თუ რა ღონისძიებებს ახორციელებს სკოლა Covid-19-ის პანდემიის გამოწვევების საპასუხოდ, როგორც სასწავლო პროცესის ორგანიზებასთან, ასევე სკოლაში არსებულ სანიტარულ-ჰიგიენურ ნორმებთან დაკავშირებით.

16:13 / 08.02.2021
 
პრეზიდენტი საქართველოს თითოეულ მოქალაქეს, სტუდენტებსა და პროფესორ-მასწავლებლებს თბილისის სახელმწიფო უნივერსიტეტის დაარსების დღეს ულოცავს და აცხადებს, რომ სწორედ 103 წლის წინ, თბილისის სახელმწიფო უნივერსიტეტთან ერთად დაიბადა თანამედროვე საქართველო და მას შემდეგ, საქართველოს თანამედროვე ისტორიის ყოველი გარდამტეხი მოვლენა ამ უნივერსიტეტის სახელს უკავშირდება.

"დღეს აღინიშნება თბილისის სახელმწიფო უნივერსიტეტის დაარსების დღე. 103 წლის წინ თბილისის სახელმწიფო უნივერსიტეტთან ერთად დაიბადა თანამედროვე საქართველო და მას შემდეგ, საქართველოს თანამედროვე ისტორიის ყოველი გარდამტეხი მოვლენა ამ უნივერსიტეტის სახელს უკავშირდება.
10:22 / 08.02.2021
 
სკოლებში მოსწავლეების უსაფრთხოების მიზნით, არსებობს რეკომენდაციები და ასევე სავალდებულოდ შესასრულებელი წესები. ეს ინფორმაცია აქვს ყველა სკოლას და ვალდებულია, სკოლამ ასევე გააცნოს ყველა მშობელს ინფორმაცია, თუ როგორ აორგანიზებს საკლასო ოთახებში სასწავლო პროცესს, – ამის შესახებ საქართველოს განათლების მინისტრის მოადგილემ, ეკა დგებუაძემ განაცხადა.

როგორც ეკა დგებუაძემ აღნიშნა, ყველაზე მნიშვნელოვანი რეკომენდაცია არის, რომ მოსწავლეებს შორის ერთმეტრიანი დისტანცია უნდა იყოს დაცული.
16:02 / 05.02.2021
 
კალენდარი
ორ სა ოთ ხუ პა შა კვ
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
×