24 საათში კორონავირუსის დღიურმა მაჩვენებელმა მორიგი ანტირეკორდი მოხსნა - ინფიცირებულთა რაოდენობა დღეს 8 728-ია. გარდაიცვალა კიდევ 43 პაციენტი. მხოლოდ დედაქალაქში ახალი შემთხვევების რაოდენობა 5 ათასს უახლოვდება. პიკს აღწევს მონაცემები აჭარაშიც. სადაც ინფიცირებულთა ასეთი მაღალი მაჩვენებელი 2020 წელსაც არ ყოფილა, მაშინ, როცა მეორე ტალღის დროს, აფეთქება ქვეყანაში სწორედ აჭარიდან დაიწყო.

ჩვენ ველოდებით კიდევ უფრო აღმავლობას ალბათ თებერვლის დასაწყისამდე. თებერვლის შემდეგ წესით პროგნოზი უკეთესია, თუ ახალი, უფრო აგრესიული შტამი არ გამოჩნდა, რისი გარკვეული შანსებიც სამწუხაროდ არსებობს, - ამის შესახებ ინფექციონისტმა მაია ბუწაშვილმა განაცხადა. მისი თქმით, კოვიდინფიცირების შემთხვევები რეალურად უფრო მეტია, ვიდრე ამას სტატისტიკა ასახავს.

იმუნიზაციის მრჩეველთა ეროვნულ ტექნიკური ჯგუფის ხელმძღვანელის ივანე ჩხაიძის განცხადებით, „ომიკრონისგან“ მხოლოდ 2 რამ დაგვიცავს, ბუნებრივი იმუნიტეტი და ბუსტერ დოზა. ივანე ჩხაიძის თქმით, „ომიკრონი“ ყველაზე გამძლე მუტაცია აღმოჩნდა.

ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი სოციალურ ქსელში ახალი კვლევის შესახებ წერს, რომელიც ჩატარდა სტენფორდისა და იელის უნივერსიტეტის მკვლევარების მიერ.

„მალე ჩვეულ ცხოვრებას განვაახლებთ“, - ამის შესახებ „ფაიზერის“ აღმასრულებელმა დირექტორმა ალბერტ ბურლამ განაცხადა.

ექიმი გიორგი ღოღობერიძე სოციალური ქსელით „ომიკრონის“ შტამთან დაკავშირებით ვიდეო მიმართვას ავრცელებს. როგორც ის აღნიშნავს, „ომიკრონი“ კორონავირუსის უმარტივესი შტამია და ბევრად მსუბუქად მიმდინარეობს, ვიდრე პირვანდელი სახეობები.მისივე განმარტებით, გამონაკლისი შემთხვევების გარდა, ინფიცირებულთა უმრავლესობას არ სჭირდება მედიკამენტები.

იანვრის ბოლოს ეპიდემიოლოგები ვირუსის მასობრივ გავრცელებას ელოდებიან. თუ მათი პროგნოზი გამართლდა, ჰოსპიტალური სექტორის გადატვირთვა გარდაუვალი იქნება. იმის გამო, რომ ვაქცინაციის ტემპი ქვეყანაში დაბალია, იზრდება რისკი, რომ "ომიკრონით" დაინფიცირების შემთხვევაში, გარკვეულ ჯგუფებს კლინიკაში გადაყვანა დასჭირდეთ.

„იმუნიტეტის დასუსტებას ​ვაქცინაცია არ იწვევს“, - ამის შესახებ ალერგოლოგ-იმუნოლოგმა ბიძინა კულუმბეგოვმა განაცხადა. მისი თქმით, ინფიცირება ხდება სწორედ იმ დროს, როდესაც ადამიანებს ვაქცინაციის შემდეგ სითამამის განცდა უჩნდებათ.

კლინიკური ექსპერტის, პროფესორ მაკა ბულეიშვილის განცხადებით, თუკი ადამიანს გამოუვლინდება რესპირატორული ვირუსისთვის დამახასიათებელო სიმპტომები, როგორც არის სხეულის ტემპერატური მატება, ყელისა და კუნთების ტკივილი და ა.შ. აუცილებელია დარჩეს სახლში. მისი თქმით, ასეთი ადამიანები იზოლაციაში უნდა იმყოფებოდნენ.